லாக் டவுனில் பிரயோஜனமா இதை செய்யுங்க: ஸீரோ பேலன்ஸில் எஸ்.பி.ஐ அக்கவுண்ட்
SBI: கணக்கு திறப்பதற்கான படிவத்தை (AOF) உங்கள் வசதிக்கு ஏற்ப நிரப்பலாம் மேலும் பிழைகள் உள்ளனவா என சரிப்பார்க்கவும் செய்யலாம். விண்ணப்பதாரரின் விவரங்கள் கணிப்பொறியில் இருப்பதால் வங்கி கிளையில் கணக்கு திறக்க எடுக்கும் நேரம் குறைக்கப்படும்.
SBI bank officer tests positive for corona, ranipet branch
State Bank Of India: பூஜ்ஜிய இருப்பு அம்சத்துடன் பாரத ஸ்டேட் வங்கியில் (எஸ்பிஐ) ஆன்லைன் மூலம் வங்கி கணக்கு திறப்பது இப்போது சாத்தியமாகும். சேமிப்பு வங்கி கணக்கில் குறைந்தபட்ச இருப்பு பராமரிப்பதை எஸ்பிஐ தனது வாடிக்கையாளர்களுக்கு தள்ளுபடி செய்த பிறகு, பூஜ்ஜிய இருப்பு சேமிப்பு கணக்கை திறப்பது இந்தியாவின் மிகப்பெரிய வணிக வங்கியான எஸ்பிஐயில் இப்போது சாத்தியமாகிறது. ஆன்லைன் மூலமாக எஸ்பிஐ கணக்கு திறக்க எஸ்பிஐயின் அதிகாரப்பூர்வ இணையதளமான onlinesbi.com ற்கு சென்று, சிறு மற்றும் அடிப்படை சேமிப்பு வங்கி கணக்குக்கான விண்ணப்பதை ஆன்லைன் மூலமாக நிரப்ப வேண்டும்.
Advertisment
தேவைப்படும் விவரங்களை ஆன்லைனில் நிரப்பி சமர்பிக்கவும். அடுத்து, கணக்கு திறப்பதற்கான படிவத்தை (Account Opening Form -AOF) A4 அளவிலான காகிதத்தில் அச்சிட்டுக் கொள்ளவும். AOF ல் குறிப்பிட்டுள்ள தேவையான ஆவணங்களான அடையாளத்துக்கான ஆவணம், முகவரி சான்று, மற்றும் புகைப்படத்தை இணைத்து, ஆன்லைனில் generate ஆகும் SCRN (Small Customer Reference Number) ஐயும் குறித்துக் கொள்ளவும். விண்ணப்பதாரரின் பதிவு செய்யப்பட்ட கைபேசி எண்ணுக்கும் SCRN அனுப்பப்படும்.
ஆன்லைன் மூலமாக எஸ்பிஐ கணக்கு திறப்பதில் உள்ள நன்மைகள்
கணக்கு திறப்பதற்கான படிவத்தை (AOF) உங்கள் வசதிக்கு ஏற்ப நிரப்பலாம் மேலும் பிழைகள் உள்ளனவா என சரிப்பார்க்கவும் செய்யலாம். விண்ணப்பதாரரின் விவரங்கள் கணிப்பொறியில் இருப்பதால் வங்கி கிளையில் கணக்கு திறக்க எடுக்கும் நேரம் குறைக்கப்படும்.
படிப்படியாக எஸ்பிஐ ஆன்லைனில் கணக்கு திறக்கும் செயல்முறை
onlinesbi.com என்ற இணையதள முகவரிக்கு சென்று வாடிக்கையாளர் விவரப் பகுதியை பூர்த்திச் செய்யவும்.
நீங்கள் பகிரவேண்டிய தகவல்கள்
ஒரு கணக்கை திறக்க நீங்கள் பின்வரும் தகவல்களை வழங்க வேண்டும்.
1. உங்கள் வாடிக்கையாளரை தெரிந்துக் கொள்ளுங்கள் (KYC-Know Your Customer) தகவல்கள். ஏற்றுக்கொள்ளக்கூடிய KYC ஆவணங்கள் AOF மெனுவில் கொடுக்கப்பட்டிருக்கும்.