வயநாட்டில் ராகுல் காந்தி: உற்சாக வரவேற்புக்கு இடையே வேட்புமனுத் தாக்கல்

வறுமை கோட்டிற்கு கீழ் உள்ளவர்களுக்கு 1500 நிதி உதவி என்ற தமிழக அரசு கொண்டு வந்த திட்டம் தேர்தல் நடத்தை விதிமுறைகளை மீறும் வண்ணம் உள்ளது என்றும் அதனால் அதனை விசாரிக்க வேண்டும் போடப்பட்டிருந்த மனு தள்ளுபடி செய்தது உச்ச நீதிமன்றம்.

துணை முதல்வர் ஓ.பன்னீர் செல்வம் பிரச்சாரம் செய்யும் வாகனம் ஊட்டி - கூடலூர் செல்லும் வழியில் அமைந்திருக்கும் நடுவட்டம் பகுதியில் கவிழ்ந்து விபத்துக்குள்ளானது.

தமிழகத்தில் ஏப்ரல் 18ம் தேதி தேர்தல் நடத்த வேண்டாம் என்று கிறுத்துவ நல்லெண்ண இயக்கம் சார்பில் உச்ச நீதிமன்றத்தில் வழக்கு பதிவு செய்யப்பட்டுள்ளது. பெரிய வியாழன் அன்று தேர்தல் நடைபெறுவதால் பாதிப்புகள் ஏற்படலாம் என்று அந்த மனுவில் குறிப்பிடப்பட்டிருந்தது. இந்த வழக்கினை திங்கள் கிழமை விசாரணை செய்ய உள்ளது உச்ச நீதிமன்றம். 

வயநாட்டில் வேட்புமனு தாக்கல் செய்தார் ராகுல் காந்தி. அவருடன் அவருடைய சகோதரி ப்ரியங்கா காந்தி மற்றும் கேரளாவின் முன்னாள் முதல்வர் உம்மன்சாண்டி அங்கு உள்ளனர். உத்திரப் பிரதேசம் மாநிலத்தில் அமேதியில் இதுநாள் வரையில் போட்டியிட்டு வந்த ராகுல் காந்தி தற்போது வயநாட்டில் போட்டியிட உள்ளார். 

கோழிக்கோட்டில் இருந்து இன்று வயநாட்டில் வேட்பு மனு தாக்கல் செய்ய பயணம் மேற்கொண்டுள்ளார் ராகுல் காந்தி. அவரை காண்பதற்காகவும், வரவேற்கவும் ஆயிரக்கணக்கில் தொண்டர்கள் ஒன்று கூடியுள்ளனர். 

The narrow lanes of Wayanad are packed to the brim with excited onlookers waiting in anticipation for Congress President @RahulGandhi to arrive & file his nomination. #RahulGandhiWayanad #RahulTharangam pic.twitter.com/tcZVtO38JW

— Congress (@INCIndia) 4 April 2019

பி.எம். நரேந்திர மோடி திரைப்படத்திற்கு தடை கோரிய மனுவை விசாரணைக்கு ஏற்றுக் கொண்டது உச்ச நீதிமன்றம். மனுவின் மீதான விசாரணை திங்கள் கிழமை நடைபெறும் என்று அறிவிப்பு. இந்நிலையில் நாளை இந்த திரைப்படம் உலகெங்கும் வெளியிடப்பட உள்ளது. மொத்தம் 23 மொழிகளில் இப்படம் உருவாகியுள்ளது. விவேக் ஓப்ராய் நடிப்பில், ஓமங் குமார் இயக்கத்தில் உருவாகியுள்ளது இந்த திரைப்படம். 

மேலும் படிக்க : மோடி படத்திற்கு தடையில்லை ஆனால் நமோ டிவி குறித்து விளக்கம் வேண்டும் - தேர்தல் ஆணையம்

கேரளாவில் 23ம் தேதி தேர்தல் நடைபெற உள்ளது. அதனைத் தொடர்ந்து, வயநாடு பகுதியில் காங்கிரஸ் கட்சி வேட்பாளராக அறிவிக்கப்பட்டிருக்கும் ராகுல் காந்தி இன்று வேட்புமனு தாக்கல் செய்கிறார். நேற்றிரவு அவர் தன் தங்கை பிரியங்கா காந்தியுடன் கோழிக்கோடை வந்தடைந்தார்.  அவருக்கு எதிராக சோலார் மோசடி வழக்கின் முக்கிய குற்றவாளியான சரிதா எஸ். நாயர், சுயேட்சையாக போட்டியிடுகிறார். 

மேலும் படிக்க : வயநாடு தொகுதியை இரண்டாவது தொகுதியாக ராகுல் தேர்வு செய்ய காரணம் என்ன ?