இந்தக் கீரை சாறுடன் கருப்பட்டி சேர்த்து... உங்க ரத்தத்தை சுத்தமாக்க இது பெஸ்ட்: டாக்டர் நித்யா

முருங்கை கீரை என்றாலே அதன் சத்துக்கள் எண்ணில் அடங்காதவை அவ்வளவு சத்துக்கள் முருங்கை கீரையில் அடங்கியுள்ளது. நமது ரத்தத்தில் நோய் எதிர்ப்புத் திறன் அதிகம் உருவாகவும், காயம்படும் காலத்தில் இரத்தம் வேகமாக உறையவும், ரத்தத்தில் ஹீமோகுளோபின் சத்துக்கள் அதிகரிக்கவும் உதவுகிறது. இப்படியாக முருங்கை கீரையின் நன்மைகளை அடுக்கி கொண்டே போகலாம். அப்படியாக முருங்கை கீரையின் நன்மைகள் பற்றி டாக்டர் நித்யா’ஸ் வரம் யூடியூப் பக்கத்தில் கூறியிருப்பதாவது, 

நார்ச்சத்து அதிகம் நம் உடலுக்கு தேவையான ஒன்று. கனிமங்கள், புரதங்கள் என அனைத்து விதமான சத்துக்களும் வேண்டும் என்றால் முருங்கை கீரை கட்டாயமான ஒன்றாகும். இரத்த கொதிப்பு அதிகம் உள்ளது என்று தொடர்ந்து மருந்து எடுத்து கொள்பவர்கள் கூட முருங்கை கீரையை தொடர்ச்சியாக எடுத்து கொள்ளலாம். அதிலும் இந்த முருங்கை கீரையை சூப் வைத்து குடிக்கலாம்.

உடலுக்கு இரும்புச் சத்து என்பது மிக முக்கியம். அடிக்கடி முருங்கை கீரையை சாப்பிடும் பொழுது உடலுக்கு தேவையான இரும்பு சத்தை அளிக்கிறது. குறைந்தபட்சம் வாரத்தில் ஒரு முறையாவது எடுத்துக்கொள்வது நல்லது.

அதேபோல அடிக்கடி முருங்கை கீரை சாப்பிட்டு வந்தால் பற்கள் ஆரோக்கியமாக இருக்கும். ஈறுகள் சம்பந்தமான எந்த பிரச்சனையும் வராது. உடல் சூட்டால் ஏற்படும் வாய்ப்புண் சரியாகும்.

முருங்கை பிஞ்சு மலச்சிக்கல் தீரும். முருங்கை விதைய சாப்பிட்டு வர மலட்டுத்தன்மை நீங்கும். 

வியக்க வைக்கும் சத்துக்கள் நிறைந்த முருங்கை கீரை |நோய் எதிர்ப்பு சக்தி அதிகரிக்க முருங்கை கீரை பொடி

அதேபோல எப்போதும் போல முருங்கை ஜூஸ் செய்து அதனுடன் சிறிது கருப்பட்டி சேர்த்து குடித்து வர உடலில் ரத்தம் அளவு அதிகரிக்கும். 

தலைமுடி உதிர்தல், கல்லீரல் பிரச்சனை தோல் வியாதி சரியாக முருங்கை கீரை சாப்பிடலாம். அதில் புரதச்சத்தும், வைட்டமின்களும் அதிகமாக உள்ளன. இதனால் அடிக்கடி முருங்கை கீரை எடுத்துக்கொண்டால் தலைமுடி உதிர்வையும், முடி நரைப்பதையும் தடுக்கும்.

பொறுப்பு துறப்பு: இந்தக் கட்டுரை பொது தளத்தில்/ நாங்கள் தொடர்பு கொண்டு பேசிய நிபுணர்களிடம் இருந்து பெறப்பட்ட தகவல் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை நீங்கள் கடைபிடிக்கும் முன், உங்கள் குடும்ப மருத்துவர் அல்லது உங்கள் உடல்நலப் பயிற்சியாளரை அணுகும்படி கேட்டுக் கொள்கிறோம்.