வெயிட் லாஸ் பண்ணும் மக்களே... இந்த டிரிங்க் மிஸ் பண்ணாதீங்க; சட்டுன்னு குறைய இப்படி செய்து குடிங்க: டாக்டர் ஆஷா லெனின்

உடல் எடையை குறைக்க உதவும் ஒரு பானம் பற்றி டாக்டர் ஆஷா லெனின் பேட்டி அளித்த நிலையில் அதை எப்படி செய்வது என்று ராம்சிவரீதா யூடியூப் பக்கத்தில் செய்து காட்டியிருப்பது பற்றி பார்ப்போம். இந்த பானம், கல்லீரலில் உள்ள கொழுப்பை நீக்கி, தொப்பையைக் குறைக்க உதவும் என்று கூறப்படுகிறது.

தேவையான பொருட்கள்:

கருஞ்சீரகம் - 100 கிராம்
வெந்தயம் - 100 கிராம்
ஓமம் - 50 கிராம்

செய்முறை:

மேற்கண்ட அனைத்து பொருட்களையும் நன்கு வறுத்துக் கொள்ளவும். வறுத்த பொருட்களை தூள் செய்து கொள்ளவும்.

ஒவ்வொரு இரவும், கால் டம்ளர் தண்ணீரில் ஒரு டீஸ்பூன் தூளைக் கலந்து குடிக்கவும். இந்த பானம், எடை இழப்புக்கு உதவுவதுடன், PCOD, கருமுட்டை நீர்க்கட்டிகள், ஒழுங்கற்ற மாதவிடாய் போன்ற பிரச்சனைகளுக்கும் ஒரு சிறந்த தீர்வாகச் செயல்படும் என்றும் கூறினார். 

கருஞ்சீரகம்: இது அழற்சி எதிர்ப்பு மற்றும் ஆக்ஸிஜனேற்ற பண்புகளுக்குப் பெயர் பெற்றது. இது வளர்சிதை மாற்றத்தை மேம்படுத்தி, உடலில் உள்ள நச்சுப் பொருட்களை வெளியேற்ற உதவும். சில ஆய்வுகள், கருஞ்சீரகம் இரத்த சர்க்கரை அளவை கட்டுப்படுத்தவும், கொழுப்பைக் குறைக்கவும் உதவுவதாகக் கூறுகின்றன.

வெந்தயம்: வெந்தயம் நார்ச்சத்து நிறைந்தது, இது செரிமானத்தை மேம்படுத்தி, நீண்ட நேரம் வயிறு நிறைந்த உணர்வைத் தரும். இதனால் பசி கட்டுப்படுத்தப்பட்டு, கலோரி உட்கொள்ளல் குறையும். மேலும், வெந்தயம் இரத்த சர்க்கரை மற்றும் இன்சுலின் அளவைக் கட்டுப்படுத்தவும் அறியப்படுகிறது.

ஓமம்: ஓமம் சிறந்த செரிமான பண்புகளைக் கொண்டுள்ளது. இது வாயு, அஜீரணம் மற்றும் வீக்கம் போன்ற பிரச்சனைகளைக் குறைத்து, ஆரோக்கியமான செரிமான மண்டலத்தை ஊக்குவிக்கும். சிறந்த செரிமானம் எடை இழப்புக்கு அவசியம்.

பொறுப்பு துறப்பு: இந்தக் கட்டுரை பொது தளத்தில்/ நாங்கள் தொடர்பு கொண்டு பேசிய நிபுணர்களிடம் இருந்து பெறப்பட்ட தகவல் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை நீங்கள் கடைபிடிக்கும் முன், உங்கள் குடும்ப மருத்துவர் அல்லது உங்கள் உடல்நலப் பயிற்சியாளரை அணுகும்படி கேட்டுக் கொள்கிறோம்.