The best time to drink water is…போதுமான அளவு தண்ணீர் குடிப்பதன் முக்கியத்துவத்தை நாம் அனைவரும் அறிவோம். நீர் அருந்துவது, ஒருவருக்கு நீரேற்றமாக இருக்க உதவுவது மட்டுமல்லாமல், உடல் வெப்பநிலையை ஒழுங்குபடுத்துகிறது மற்றும் சிறுநீரகங்களில் இருந்து கழிவுகளை வெளியேற்றுவது, உமிழ்நீரை உருவாக்குவது மற்றும் பல்வேறு உடல் பாகங்களுக்கு ஊட்டச்சத்துக்கள் கிடைக்கச் செய்வது போன்ற பல உடல் செயல்பாடுகளை பராமரிக்கிறது.
Advertisment
இருப்பினும், தண்ணீர் குடிக்க சரியான நேரம் எது? என்பதைப் பற்றி உடற்பயிற்சி நிபுணர் சோனியா பக்ஷி சமீபத்தில் தனது இன்ஸ்டாகிராமில் விரிவாக கூறியுள்ளார்.
*உணவுடன் தண்ணீர் சாப்பிடக்கூடாது. "உணவுடன் ஒரு கிளாஸ் அல்லது அதற்கு மேற்பட்ட தண்ணீர் உங்கள் வயிற்றின் செரிமான சக்தியை கடுமையாக பாதிக்கிறது மற்றும் இன்சுலின் அளவு கணிசமாக மாறுகிறது. தேவைப்பட்டால், உங்கள் சாப்பாட்டுடன் சிறிது தண்ணீர் பருகினால் போதும்,” என சோனியா பக்ஷி கூறினார்.
*உணவுக்கு ஒரு மணி நேரம் கழித்து எப்போதும் தண்ணீர் அருந்தவும். இது உணவில் உள்ள சத்துக்களை உடல் உறிஞ்சிக் கொள்ள அனுமதிக்கும்.
*நீங்கள் எழுந்தவுடன் குறைந்தது ஒரு கிளாஸ் தண்ணீர் குடிக்கவும். இது நோய்களை எதிர்த்துப் போராடவும், நோயெதிர்ப்பு மண்டலத்தை வலுப்படுத்தவும் உதவும்.
* சோர்வை எதிர்த்துப் போராட, மதியம் குறைந்தபட்சம் ஒரு கிளாஸ் தண்ணீரைக் குடிக்கவும். நீரிழப்பு என்பது பிற்பகல் மந்தநிலைக்கு முக்கிய காரணமாக இருக்கலாம், எனவே தண்ணீர் குடிப்பது சோர்வு மற்றும் பிற தேவையற்ற அறிகுறிகளை எதிர்த்துப் போராட உதவும்.
ஆயுர்வேதத்தின்படி தண்ணீர் குடிப்பதில் செய்ய வேண்டியவை மற்றும் செய்யக்கூடாதவை குறித்து டாக்டர் டிக்ஸா பாவ்சர் கூறுகையில், உட்கார்ந்து கொண்டு தான் தண்ணீர் குடிக்க வேண்டும். "நின்று தண்ணீர் குடிப்பதைத் தவிர்க்கவும், ஏனெனில் அது உங்கள் சிறுநீரகத்தில் எதிர்மறையான விளைவை ஏற்படுத்தும், மேலும் கீல்வாதத்திற்கு கூட வழிவகுக்கும். தண்ணீர் குடிக்கும் போது உட்கார்ந்துகொள்வது, நின்று குடிக்கும் போது, உங்கள் வயிற்றில் நேரடியாக அழுத்தத்துடன் செல்வதை விட, ஊட்டச்சத்துக்களை சிறப்பாக வடிகட்டவும், ஊட்டமளிக்கும் பகுதிகளுக்கு அதை இயக்கவும் அனுமதிக்கிறது. மேலும், நாம் பொதுவாக நின்று கொண்டே தண்ணீரை மிக வேகமாகக் குடிப்போம், இது உங்கள் நரம்புகளை பதற்ற நிலைக்குக் கொண்டுவருகிறது,” என்று அவர் விளக்கினார்.
நீங்கள் எவ்வளவு தண்ணீர் குடிக்க வேண்டும்?
வீக்கத்தை ஏற்படுத்தும் அளவுக்கு அதிகமாக தண்ணீர் குடிப்பதற்கு பதிலாக, உடலின் தேவைக்கேற்ப குடிக்கவும்.
"சிறந்த தோல், நோய் எதிர்ப்பு சக்தி மற்றும் செரிமானம் ஆகியவற்றிற்கு நாம் நிறைய தண்ணீர் குடிக்க வேண்டும் என்ற எண்ணத்திலும் நான் இருந்தேன். ஆனால் அது சரியல்ல. நீங்கள் நிறைய தண்ணீர் குடித்தால், நீங்கள் வீக்கம் போல் உணரலாம். மேலும், இது உங்கள் செரிமான நெருப்பை தணித்து கப தோஷத்தை அதிகரிக்கும். எனவே, தண்ணீர் முக்கியமானது மற்றும் நீங்கள் போதுமான அளவு குடிக்க வேண்டும் ஆனால் அதிகமாக இல்லை. உங்கள் உடலைக் கேட்க முயற்சி செய்யுங்கள். உங்கள் உடலுக்கு எப்போது தண்ணீர் தேவை, எப்போது உணவு தேவை என்பதை நீங்கள் அறிவீர்கள். கொஞ்சம் பயிற்சி தேவை, உங்கள் உடலைக் கேட்டு அதற்கேற்ப உணவளிப்பீர்கள், ”என்று டாக்டர் பாவ்சர் குறிப்பிட்டார்.
மேலே உள்ள கட்டுரை தகவல் நோக்கங்களுக்காக மட்டுமே மற்றும் தொழில்முறை மருத்துவ ஆலோசனைக்கு மாற்றாக இல்லை. உங்கள் உடல்நலம் அல்லது மருத்துவ நிலை குறித்து உங்களுக்கு ஏதேனும் கேள்விகள் இருந்தால் எப்போதும் உங்கள் மருத்துவர் அல்லது பிற தகுதிவாய்ந்த சுகாதார நிபுணரின் வழிகாட்டுதலைப் பெறவும்.
தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil
/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2022/05/drinking-water_1200.jpg)