எக்கச்சக்க இரும்புச் சத்து... இந்தக் கீரையில் கொஞ்சம் துவையல்!

எலும்பும் தோலுமாய் இருக்கும் நபர்கள்கூட வாரத்தில் இருமுறை முருங்கைக்கீரை துவையலை உண்டு வந்தால், உடல் ஆரோக்கியம் மேம்படும் என்பது நம் முன்னோர்களின் வாக்கு. சுவை மிகுந்த இந்த துவையல், உடலுக்குப் பல நன்மைகளைத் தரக்கூடிய இரும்புச்சத்தை அள்ளித் தருகிறது. ஆரோக்கியமான வாழ்க்கைக்கு அவசியமான இந்த அற்புதமான முருங்கைக்கீரை துவையலை எப்படி செய்வது என்று செல்விஸ்வே இன்ஸ்டா பக்கத்தில் கூறியிருப்பது பற்றி பார்ப்போம்.

தேவையான பொருட்கள்:

துளிர் முருங்கைக்கீரை: தேவையான அளவு (சுமார் 1 கப்)
தேங்காய் எண்ணெய்: தாளிப்பதற்கும், வதக்குவதற்கும் தேவையான அளவு
உளுந்து: 1-2 தேக்கரண்டி
காய்ந்த மிளகாய்: 2-3 
மிளகு: 1/2 தேக்கரண்டி
சின்ன வெங்காயம்: 4-5
இஞ்சி: ஒரு சிறிய துண்டு 
பச்சை மிளகாய்: 1 
தேங்காய்: 2-3 தேக்கரண்டி
பூண்டு: 2-3 பல்
புளி: ஒரு சிறிய நெல்லிக்காய் அளவு
மல்லி இலை: சிறிதளவு
பெருங்காயம்: ஒரு சிட்டிகை
கடுகு: 1/2 தேக்கரண்டி
சீரகம்: 1/2 தேக்கரண்டி 
கறிவேப்பிலை: சிறிதளவு 

செய்முறை:

முதலில், துளிர் முருங்கைக்கீரையை உருவி நன்கு அலசி தயாராக வைத்துக்கொள்ளுங்கள். ஒரு கடாயில் தேங்காய் எண்ணெய் ஊற்றி, உளுந்து, காய்ந்த மிளகாய், மிளகு, சின்ன வெங்காயம், இஞ்சி, பச்சை மிளகாய், தேங்காய், பூண்டு, புளி, மல்லி இலை, பெருங்காயம், முருங்கைக்கீரை ஆகியவற்றை ஒவ்வொன்றாகச் சேர்த்து நன்கு வதக்க வேண்டும். வதக்கிய பொருட்கள் ஆறியதும், அவற்றை மிக்ஸியில் போட்டு அரைத்துக்கொள்ளுங்கள்.

இப்போது தாளிப்பதற்கு, 100% தூய்மையான மிஸ்டர் கோல்ட் தேங்காய் எண்ணெயை ஊற்றி, கடுகு, சீரகம், உளுந்து, காய்ந்த மிளகாய், கறிவேப்பிலை சேர்த்து தாளிக்கவும். தாளித்தவற்றை அரைத்து வைத்திருக்கும் துவையலில் கொட்டி நன்கு கிளறவும். சுடச்சுட சாதத்தின் மீது இந்த துவையலை உருட்டி வைத்து, மேலும் சிறிது தேங்காய் எண்ணெய் ஊற்றிப் பிசைந்து சாப்பிட்டால், அதன் சுவை உங்களை மெய்சிலிர்க்க வைக்கும். தேங்காய் எண்ணெயில் தாளிப்பதால் இந்த துவையலின் மணம் மற்றும் சுவை பன்மடங்கு அதிகரிக்கிறது.

இந்த முருங்கைக்கீரை துவையல் உங்கள் நாவுக்கு மட்டுமல்ல, உங்கள் உடலுக்கும் ஆரோக்கியத்தின் பொக்கிஷமாக அமையும். இதை உங்கள் அன்றாட உணவில் சேர்த்துக்கொண்டு, சுவையும் ஆரோக்கியமும் நிறைந்த வாழ்வை வாழுங்கள்.

View this post on Instagram

A post shared by Selvi's way (@selvis_way)