scorecardresearch

விட்டமின், இரும்புச் சத்து… ஊற வைத்த பாதாம் வெறும் வயிற்றில் தினமும் இத்தனை சாப்பிடுங்க!

உங்கள் உணவில் சிறிய மாற்றங்கள் உங்கள் ஒட்டுமொத்த ஆரோக்கியத்தில் பெரிய மாற்றத்தை ஏற்படுத்தும்

விட்டமின், இரும்புச் சத்து… ஊற வைத்த பாதாம் வெறும் வயிற்றில் தினமும் இத்தனை சாப்பிடுங்க!

உடல் ஆரோக்கியமாக இருக்க ஊட்டசத்து மிகுந்த உணவுகளை எடுத்துக்கொள்ள வேண்டியது அவசியமான ஒன்று. இதில் பாதாம் பிஸ்தா அக்ரூட் உள்ளிட்ட பருப்பு வகைகள் உடலுக்கு தேவையான ஊட்டச்சத்துக்களை பெரிய அளவில் வழங்கி வருகிறது. அந்த வகையில், நுண்ணூட்டச் சத்து குறைபாட்டிற்கு உதவும் மற்றும் நாள்பட்ட அல்லது தொடர்ச்சியான உடல்நலப் பிரச்சினைகளின் அறிகுறிகளைப் போக்கக்கூடிய சூப்பர்ஃபுட்களைப் ஊட்டச்சத்து நிபுணர் ஜூஹி கபூர் தனது சமீபத்திய இன்ஸ்டாகிராம் பதிவில் குறிப்பிட்டுள்ளார்.

உங்கள் உணவில் சிறிய மாற்றங்கள் உங்கள் ஒட்டுமொத்த ஆரோக்கியத்தில் பெரிய மாற்றத்தை ஏற்படுத்தும். உங்கள் நாளை சரியான ஊட்டச்சத்துடன் தொடங்குவதற்கு காலை நேரம் மிகவும் பொருத்தமானது. நம்மில் பலர் நுண்ணூட்டச் சத்து குறைபாடுகளை சந்திக்க நேரிடலாம், இது சில தீவிர உடல்நலப் பிரச்சினைகளுக்குப் வழிவகுக்கும்.

உதாரணமாக, இரும்பு, ஃபோலேட் மற்றும் வைட்டமின்கள் B12 மற்றும் வைட்டமின் A இல்லாமை இரத்த சோகை நோய்க்கு வழிவகுக்கும். வைட்டமின் டி குறைபாடு இரத்தத்தில் குறைந்த கால்சியம் அளவுகள், ரிக்கெட்ஸ், பெரியவர்களுக்கு எலும்புகளை மென்மையாக்கும். பாதாம், முந்திரி, வால்நட் மற்றும் வேர்க்கடலை போன்ற பருப்புகள் பி-வைட்டமின்கள், ஃபோலேட் மற்றும் வைட்டமின் ஈ ஆகியவற்றின் நல்ல மூலமாகும்.

இந்த சிறிய சூப்பர்ஃபுட்களை தொடர்ந்து சாப்பிட்டு வந்தால், உங்கள் நல்வாழ்வில் முக்கிய பங்கு வகிக்கும். இந்தக் பருப்புகளை ஊறவைத்து சாப்பிடும்போது ஊட்டச்சத்துக்கள் உடலால் நன்றாக உறிஞ்சப்படும் என்று சுகாதார நிபுணர்கள் கூறுகின்றனர். அவற்றை இரவில் ஊறவைப்பது, இந்த பருப்புகளில் உள்ள பைடிக் அமிலத்தை அகற்ற உதவுகிறது. பருப்புகளை ஊறவைப்பது செரிமானத்தை மேம்படுத்துகிறது மற்றும் சுவை மற்றும் அமைப்பை மேம்படுத்த உதவுகிறது.

ஊட்டச்சத்து நிபுணர் ஜூஹி கபூர் தனது சமீபத்திய இன்ஸ்டாகிராம் பதிவுகளில் நுண்ணூட்டச் சத்து குறைபாட்டிற்கு உதவக்கூடிய மற்றும் நாள்பட்ட அல்லது தொடர்ச்சியான உடல்நலப் பிரச்சினைகளின் அறிகுறிகளைப் போக்கக்கூடிய சூப்பர்ஃபுட்களைப் பற்றிப் பேசியுள்ளார்.

ஊறவைத்த பாதாம், முகப்பரு நிவாரணம்

ஊறவைத்த பாதாமை சாப்பிடுவது  முகப்பரு உள்ளிட்ட பிரச்சினைகளில் இருந்து விடுபட்டு, பளபளப்பான சருமத்தை அடைய உதவும். 5-7 பாதாம் பருப்பை இரவு முழுவதும் ஊறவைத்து, காலையில் தோலை நீக்கி, தினமும் உட்கொள்ள வேண்டும்.

மாதவிடாய் பிரச்சனைகளுக்கு ஊறவைத்த திராட்சை மற்றும் கேசர்

மாதவிடாய் வலி மற்றும் ஒழுங்கற்ற மாதவிடாய்க்கு, 6-8 ஊறவைத்த திராட்சை மற்றும் 2 இழைகள் கேசரைஇரவில் ஊறவைத்து மறுநாள் காலையில் உட்கொள்ளலாம்.

முடி உதிர்தலுக்கு ஊறவைத்த கருப்பு திராட்சை

முடி உதிர்தல் மற்றும் நோய் எதிர்ப்பு சக்தி தொடர்பான பிரச்சனைகளுக்கு, கருப்பு திராட்சையை இரவு முழுவதும் ஊறவைத்து, மறுநாள் காலையில் சாப்பிடுங்கள்.

நினைவாற்றல் மற்றும் செறிவுக்காக ஊறவைத்த அக்ரூட் பருப்புகள்

இரண்டு அக்ரூட் பருப்புகளை ஒரே இரவில் ஊறவைத்து, காலையில் உட்கொண்டால் மூளையின் சக்தி, நினைவாற்றல் மற்றும் செறிவு அதிகரிக்கும். குழந்தைகளின் கல்வித் திறனை அதிகரிக்க இது மிகவும் நல்லது.

மலச்சிக்கலுக்கு ஊறவைத்த அத்திப்பழம்

ஊறவைத்த இரண்டு அத்திப்பழங்கள் உங்கள் குடல் ஆரோக்கியத்திற்கு அதிசயங்களைச் செய்யும். குறிப்பாக கர்ப்பிணிப் பெண்கள் மற்றும் மூத்த குடிமக்களில் மலச்சிக்கலைப் போக்க இது உதவும்

ஊறவைப்பது எப்படி

நன்கு கழுவவும்

சுத்தமான குடிநீரில் இரவு முழுவதும் ஊற வைக்கவும்

காலையில் தண்ணீரை விட்டுவிடவும்

அக்ரூட் பருப்புகள்/அத்திப்பழங்களை நேரடியாக உட்கொள்ளுங்கள்.

ஆவியில் வேகவைத்து சாலட்டுடன் உட்கொள்ளவும்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

Stay updated with the latest news headlines and all the latest Food news download Indian Express Tamil App.

Web Title: Tamil health food for immunity booster and stomach health