வீட்டில் இருந்தபடியே 35 கிலோ குறைந்த இளைஞர்... காலை சாப்பிட்ட உணவு லிஸ்ட் இதுதான்!

வீட்டிலேயே இயற்கையாக 35 கிலோ எடை குறைத்து, இன்ஸ்டாகிராமில் எடை குறைப்பு, உணவுமுறை மற்றும் உடற்பயிற்சி குறிப்புகளைப் பகிர்ந்து வரும் ஜித்தின் VS, தாம் எவ்வாறு உடல் எடையை குறைத்தேன் அதற்காக எடுத்து கொண்ட காலை உணவுகளை பற்றி பகிர்ந்துள்ளார். அவர் புரதச்சத்து நிறைந்த தென்னிந்திய காலை உணவுகளைப் பகிர்ந்துள்ளார்.  

1. பாசிப்பயறு  - தயிர் 

கலோரிகள்: 230
புரதம்: 14கி
கார்ப்ஸ்: 22கி
கொழுப்பு: 8கி

தேவையான பொருட்கள்:

1/2 கப் மஞ்சள் பாசிப்பயறு (இரவு முழுவதும் ஊறவைத்தது)
1 பச்சை மிளகாய்
இஞ்சி (1/2 இன்ச்)
உப்பு, மஞ்சள் தூள்
தயிர் - 1/2 கப்  

செய்முறை:

ஊறவைத்த பாசிப்பயறுடன் மிளகாய் மற்றும் இஞ்சி சேர்த்து மென்மையான மாவாக அரைக்கவும். உப்பு மற்றும் மஞ்சள் தூள் சேர்க்கவும். சூடான நான்-ஸ்டிக் தவாவில் ஊற்றி, தோசை போல் மெல்லியதாக பரப்பவும். இருபுறமும் பொன்னிறமாக மாறும் வரை சமைக்கவும். குறைந்த கொழுப்புள்ள தயிருடன் பரிமாறவும்.

2. துவரம் பருப்பு காய்கறி கிச்சடி  

கலோரிகள்: 350
புரதம்: 14கி
கார்ப்ஸ்: 40கி
கொழுப்பு: 10கி

தேவையான பொருட்கள்:

1/4 கப் துவரம் பருப்பு
1/4 கப் பழுப்பு அரிசி
காய்கறிகள் (கேரட், பீன்ஸ், பட்டாணி)
கடுகு, கறிவேப்பிலை, இஞ்சி

செய்முறை:

பருப்பு, அரிசி, காய்கறிகளை உப்பு மற்றும் மஞ்சள் தூள் சேர்த்து பிரஷர் குக் செய்யவும். 1 டீஸ்பூன் எண்ணெயில் கடுகு, கறிவேப்பிலை, இஞ்சி தாளிக்கவும். கிச்சடியில் கலந்து சூடாகப் பரிமாறவும்.

3. பன்னீர் ஸ்டஃப்டு கோதுமை தோசை  

கலோரிகள்: 300
புரதம்: 18கி
கார்ப்ஸ்: 25கி
கொழுப்பு: 12கி

தேவையான பொருட்கள்:

1/2 கப் கோதுமை மாவு
50கி பன்னீர்  
வெங்காயம், மிளகாய், கொத்தமல்லி

செய்முறை:

மெல்லிய கோதுமை தோசை மாவு தயாரிக்கவும். நறுக்கிய வெங்காயம், மிளகாய் மற்றும் உப்பு சேர்த்து பன்னீரை உதிர்த்து கலக்கவும். தோசையை தவாவில் பரப்பி, பன்னீர் நிரப்பி, மடித்து சமைக்கவும்.

4. அவித்த முட்டை மசாலாவுடன் தினை ரோட்டி 

கலோரிகள்: 230
புரதம்: 18கி
கார்ப்ஸ்: 22கி
கொழுப்பு: 6கி

தேவையான பொருட்கள்:

2 முழு முட்டைகள்
1 சிறிய வெங்காயம்
1 தக்காளி
மஞ்சள், மிளகாய், கடுகு
1/4 கப் தினை மாவு (ராகி, கம்பு அல்லது சோளம்)
வெந்நீர்
உப்பு  

செய்முறை:

2 முழு முட்டைகளை அவித்து, நறுக்கவும். வெங்காயம், தக்காளி, பச்சை மிளகாய், மசாலா பொருட்களை வதக்கவும். முட்டைகளை சேர்த்து கலக்கவும். 2 மெல்லிய தினை (ராகி/சோளம்) ரோட்டியுடன் பரிமாறவும். 

5. வேர்க்கடலை சட்னியுடன் ராகி தோசை  

கலோரிகள்: 300
புரதம்: 13கி
கார்ப்ஸ்: 28கி
கொழுப்பு: 12கி

தேவையான பொருட்கள்:

1/2 கப் ராகி மாவு
2 டேபிள்ஸ்பூன் வறுத்த வேர்க்கடலை
தேங்காய், மிளகாய், கடுகு, கறிவேப்பிலை

செய்முறை:

ராகி மாவுடன் உப்பு மற்றும் தண்ணீர் சேர்த்து தோசை மாவு தயாரிக்கவும். சட்னிக்கு, வறுத்த வேர்க்கடலை, தேங்காய், மிளகாய் மற்றும் உப்பு சேர்த்து அரைக்கவும். கடுகு மற்றும் கறிவேப்பிலை தாளித்து சட்னியில் சேர்க்கவும்.

6. கடலை மாவு தோசையுடன் புதினா சட்னி  

கலோரிகள்: 240
புரதம்: 13கி
கார்ப்ஸ்: 20கி
கொழுப்பு: 9கி

தேவையான பொருட்கள்:

1/2 கப் கடலை மாவு
தண்ணீர், பச்சை மிளகாய், இஞ்சி, கொத்தமல்லி
புதினா சட்னி (புதினா, கொத்தமல்லி, தயிர்)

செய்முறை:

கடலை மாவு, தண்ணீர், மிளகாய், உப்பு, கொத்தமல்லி சேர்த்து தோசை மாவு தயாரிக்கவும். மெல்லிய தோசையாக தவாவில் சுடவும். புரதச்சத்துக்காக கெட்டி தயிரில் செய்யப்பட்ட புதினா சட்னியுடன் பரிமாறவும்.

7. ஓட்ஸ் பொங்கல் 

கலோரிகள்: 250
புரதம்: 11கி
கார்ப்ஸ்: 30கி
கொழுப்பு: 8கி

தேவையான பொருட்கள்:

1/2 கப் ஓட்ஸ்
1/4 கப் பாசிப்பயறு
மிளகு, சீரகம், இஞ்சி, கறிவேப்பிலை
1 டீஸ்பூன் நெய்

செய்முறை:

உலர் ஓட்ஸ் மற்றும் பாசிப்பயறு இரண்டையும் தனித்தனியாக வறுக்கவும். பாசிப்பயறை பிரஷர் குக் செய்யவும். சமைத்த பருப்பை ஓட்ஸ் மற்றும் 1 கப் தண்ணீருடன் கலக்கவும். உப்பு சேர்க்கவும். நெய்யில் மிளகு, சீரகம், இஞ்சி, கறிவேப்பிலை தாளித்து கலந்து பரிமாறவும்.

View this post on Instagram

A post shared by Jithin VS (@jithin_vsuresh)