உடம்பை சிக்குனு ஸ்லிம் ஆக்க... வாரத்தில் 2 முறை இந்த ஆயில் தேச்சு குளிங்க: டாக்டர் நித்யா

உடல் எடை அதிகரிப்பால் அவதிப்படுபவர்களின் எண்ணிக்கை நாளுக்கு நாள் அதிகரித்துக் கொண்டு செல்கிறது. ஏதாவது மருந்துகள் எடுத்துக் கொண்டாவது உடல் எடையைக் குறைக்க வேண்டும் என்று நினைப்பவர்கள் ஏராளமாக இருக்கிறார்கள். இந்த சூழலில் இயற்கையான முறையில் பக்க விளைவுகள் இல்லாமல் உடல் எடையை எவ்வாறு குறைக்கலாம் என்று மருத்துவர் நித்யா தெரிவித்துள்ளார்.

உணவு முறை மாற்றும், வாழ்க்கை முறை மாற்றம் மற்றும் நாம் பார்க்கும் வேலையின் தன்மை போன்ற பல்வேறு காரணங்களால் உடல் எடை அதிகரிப்பதாக வல்லுநர்கள் கூறுகின்றனர். அந்த வகையில், உடல் எடை அதிகரிப்பதற்கான காரணத்தை கண்டறிந்து அதனை சரி செய்வதன் மூலம் உடல் எடையை குறைக்க முடியும். உதாரணமாக, துரித உணவுகள் சாப்பிடுவதால் உடல் எடை அதிகரித்தால், அது போன்ற உணவுகளை தவிர்த்து விடலாம்.

சிலருக்கு வாதம் அதிகமாக இருந்தால் உடலில் நீர் அதிகமாக சேரும் என்று மருத்துவர் நித்யா தெரிவித்துள்ளார். மூட்டுப் பகுதிகளில் இருந்து உருவாகும் வாத நீர் உடல் முழுவதும் பரவினாலும் எடை அதிகரிக்க வாய்ப்பு இருப்பதாக அவர் குறிப்பிட்டுள்ளார். எனவே, வாத நீரை குறைத்தால் உடல் எடை அதிகரிப்பு கட்டுப்படுத்தப்படும். இதற்காக சில வாழ்க்கை முறை மாற்றங்களை மேற்கொள்ள வேண்டியது அவசியம்.

அதன்படி, கால் டீஸ்பூன் அளவிற்கு சுண்ணாம்பை எடுத்து ஒரு கிளாஸ் தண்ணீரில் கலந்து கொள்ள வேண்டும். சிறிது நேரத்திற்கு பின்னர், அதன் மேற்பகுதியில் இருக்கும் நீரை மட்டும் முக்கால் கிளாஸ் எடுத்துக் கொள்ள வேண்டும். இதில் எவ்வளவு சுண்ணாம்பு தண்ணீர் இருக்கிறதோ, அதில் பாதி அளவிற்கு நல்லெண்ணெய் சேர்த்து கலக்க வேண்டும். இப்படி செய்தால் வெள்ளை நிறத்திற்கு மாறி விடும்.

இவ்வாறு நாம் தயாரித்து வைத்திருக்கும் எண்ணெய்யை உடல் முழுவதும் தேய்த்துக் குளிக்க வேண்டும் என்று மருத்துவர் நித்யா அறிவுறுத்துகிறார். வாரத்திற்கு இரண்டு முறை இவ்வாறு செய்தால் பல்வேறு நன்மைகள் கிடைக்கும் என்று அவர் குறிப்பிட்டுள்ளார். இது உடலில் இருக்கும் உஷ்ணத்தை குறைக்கும். மேலும், சருமம் தொடர்பான பிரச்சனைகளையும் சரி செய்யும் ஆற்றல் இதற்கு இருக்கிறது.

இவை அனைத்திற்கும் மேலாக இந்த முறையை பின்பற்றும் போது உடல் எடையும் கணிசமாக குறையும் என்று மருத்துவர் நித்யா தெரிவித்துள்ளார். ஏனெனில், உடலில் தேவையில்லாமல் இருக்கும் கொழுப்புகள் கரையத் தொடங்கும். எனவே, உடல் எடையை இயற்கையான முறையில் குறைக்க வேண்டும் என்று நினைப்பவர்கள் இதனை பரிசீலிக்கலாம்.

நன்றி - Mr Ladies Youtube Channel

பொறுப்பு துறப்பு: இந்தக் கட்டுரை பொது தளத்தில்/ நாங்கள் தொடர்பு கொண்டு பேசிய நிபுணர்களிடம் இருந்து பெறப்பட்ட தகவல் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை நீங்கள் கடைபிடிக்கும் முன், உங்கள் குடும்ப மருத்துவர் அல்லது உங்கள் உடல்நலப் பயிற்சியாளரை அணுகும்படி கேட்டுக் கொள்கிறோம்.