வேற எதுவுமே வேண்டாம்; இந்த ஒரு பொருள் மட்டும் போதும் உங்கள் முடி உதிர்வை தடுக்க: இப்படி யூஸ் பண்ணுங்க மக்களே!

முடி உதிர்வுக்கான தீர்வு தான் இன்றைய இளைஞர்களிடம் பெரிய கேள்வியாக இருக்கிறது. வயது மற்றும் பாலின பேதமின்றி தற்போது பலரும் முடி உதிர்வால் பாதிக்கப்படுகின்றனர். அதன்படி, நோய் பாதிப்புகளால் மருத்துவர்களிடம் செல்பவர்களை விட, முடி உதிர்வு பிரச்சனைக்காக செல்பவர்களின் எண்ணிக்கை அதிகரிக்கும் நிலையும் தற்போது ஏற்பட்டுள்ளது.

இந்த அளவிற்கு முடி உதிர்வதற்கான காரணமாக பல்வேறு விஷயங்கள் இருப்பதாக வல்லுநர்கள் கூறுகின்றனர். உதாரணத்திற்கு பொடுகு தொல்லை, தூக்கமின்மை, உணவு மற்றும் வாழ்க்கை முறை மாற்றம் என்று நிறைய காரணங்களால் இந்தப் பிரச்சனை ஏற்படுகிறது என்று கூறப்படுகிறது.

இதனை தடுப்பதற்காக ஹேர் சீரம், ஷம்பூ என பல்வேறு பொருட்களை கடைகளில் இருந்து வாங்கி பயன்படுத்துகின்றனர். ஆனால், இதில் இருக்கும் இரசாயனங்கள் வேறு ஏதேனும் பக்க விளைவுகள் அல்லது ஒவ்வாமை ஏற்படுத்துமோ என்ற தயக்கம் சிலருக்கு இருக்கும். அந்த வகையில் வீட்டில் இருக்கும் ஒரே ஒரு பொருளைக் கொண்டு முடி உதிர்வு பிரச்சனையை தடுக்க முடியும்.

அதன்படி, வெந்தயத்தை கொண்டு ஹேர்பேக் தயாரித்து முடி உதிர்வை கட்டுப்படுத்தி அடர்த்தியாக மாற்றலாம். ஏனெனில், வெந்தயத்தில் முடி வளர்ச்சிக்கு தேவையான புரதம் மற்றும் இரும்புச் சத்து நிறைந்து இருக்கிறது. இது நம் முடியை ஆரோக்கியமாக வளரச் செய்கிறது.

இதற்காக இரண்டு ஸ்பூன் வெந்தயத்தை இரவு முழுவதும் தண்ணீரில் ஊற வைக்க வேண்டும். காலை எழுந்ததும் இந்த வெந்தயத்தை மிக்ஸியில் அரைத்து பசை பதத்திற்கு கொண்டு வர வேண்டும். இவ்வாறு செய்தால் நமக்கு தேவையான ஹேர்பேக் தயாராகி விடும். இதனை தலையில் தேய்த்து விட்டு சுமார் 10 முதல் 20 நிமிடங்கள் கழித்து குளித்து விடலாம்.

இந்த ஹேர்பேக்கை தொடர்ச்சியாக பயன்படுத்தும் போது முடி உதிர்வு பிரச்சனை குறைந்து அடர்த்தியாக வளரும். இதில் இரசாயனங்கள் எதுவும் சேர்க்காததால் ஒவ்வாமை ஏற்படும் வாய்ப்பும் கிடையாது.

நன்றி - Sethu Youtube Channel

பொறுப்பு துறப்பு: இந்தக் கட்டுரை பொது தளத்தில்/ நாங்கள் தொடர்பு கொண்டு பேசிய நிபுணர்களிடம் இருந்து பெறப்பட்ட தகவல் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை நீங்கள் கடைபிடிக்கும் முன், உங்கள் குடும்ப மருத்துவர் அல்லது உங்கள் உடல்நலப் பயிற்சியாளரை அணுகும்படி கேட்டுக் கொள்கிறோம்.