scorecardresearch

அருமையான மாலை நேர உணவு… காரக் கொழுக்கட்டை இப்படி செஞ்சு பாருங்க

Kara Pidi Kozhukattai Recipe in tamil: மிகவும் டேஸ்டான ஹோட்டல் ஸ்டைல் இன்ஸ்டன்ட் கார கொழுக்கட்டை எப்படி தயார் செய்யலாம் என்று இங்கு பார்க்கலாம்.

kolukattai recipe in tamil: kara kolukattai recipe making tamil

kolukattai recipe in tamil: கொழுக்கட்டை என்றாலே பலருக்கும் மிகவும் பிடிக்கும் ஒன்றாக உள்ளது. இதில் பால் கொழுக்கட்டை, பிடி கொழுக்கட்டை, கார கொழுக்கட்டை, பூரணம் வைத்த கொழுக்கட்டை என விதவிதமாக தயார் செய்யலாம்.

அந்த வகையில் மிகவும் டேஸ்டான ஹோட்டல் ஸ்டைல் இன்ஸ்டன்ட் கார கொழுக்கட்டை எப்படி தயார் செய்யலாம் என்று இங்கு பார்க்கலாம்.

காரக் கொழுக்கட்டை செய்யத் தேவையான பொருட்கள்

இட்லி ரவை – 1/2 கப்
எண்ணெய் – 1 டீ ஸ்பூன்
கடுகு – 1 டீ ஸ்பூன்
கடலை பருப்பு – 1/2 டீ ஸ்பூன்
உளுந்தம் பருப்பு – 1/2 டீ ஸ்பூன்
பெருங்காய பொடி – 1/8
வெங்காயம் – 1/2 கப் (பொடியாக நறுக்கியது).
கருவேப்பிலை
கொத்தமல்லி
பச்சை மிளகாய் – கரத்திற்கேற்ப
தேங்காய் – 2 டேபிள் ஸ்பூன் (துருவியது)

காரக் கொழுக்கட்டை செய்முறை

முதலில் 1/2 கப் இட்லி ரவையை எடுத்து அதற்கு 1 1/2 கப் தண்ணீர் ஊற்றி வெறும் 10 நிமிடங்களுக்கு ஊற வைக்கவும்.

இதற்கிடையில், ஒரு சிறிய பாத்திரம் எடுத்து அதில் எண்ணெய், கடுகு, கடலை பருப்பு, உளுந்தம் பருப்பு ஆகியவற்றை சேர்த்து கிளறவும். பின்னர், வெங்காயம் கருவேப்பிலை, கொத்தமல்லி, பச்சை மிளகாய் சேர்த்து கண்ணாடி போல் வரும் வரை வதக்கிக்கொள்ளவும். அதன்பின்னர் உப்பு சேர்த்து வதக்கி பிறகு தேங்காய் துருவல் சேர்த்து வதக்கவும்.

சிறிது நிமிடங்கள் கழித்து ஊற வைத்துள்ள இட்லி ரவையை அவற்றோடு சேர்த்துக் கிளறவும். இவை உப்புமா போல் வரும் வரை மிதமான சூட்டில் வைத்து கொதிக்க விடவும். அவை ஓரளவு கெட்டியாக வந்தவுடன் அவற்றை ஆற வைத்து கொழுக்கட்டை போன்று தட்டையாகவோ அல்லது உப்பு உருண்டை போல் உருண்டைகளாவோ பிடித்து இட்லி அவிய வைக்கும் பாத்திரத்தில் அவித்து எடுக்கவும்.

இப்போது நீங்கள் ஆவலோடு எதிர்பார்த்த சுவையான காரக் கொழுக்கட்டை தயராக இருக்கும். அவற்றை நீங்கள் விரும்பி சட்டினிகளுடன் சேர்த்து பரிமாறி சுவைக்கவும்.

“தமிழ்இந்தியன்எக்ஸ்பிரஸின்அனைத்துசெய்திகளையும்உடனுக்குடன்டெலிகிராம்ஆப்பில்பெறt.me/ietamil

Stay updated with the latest news headlines and all the latest Lifestyle news download Indian Express Tamil App.

Web Title: Kolukattai recipe in tamil kara kolukattai recipe making tamil

Best of Express