chennai weather: தமிழகத்தில் மிக அதிக கனமழைக்கு வாய்ப்பு! - இந்திய வானிலை மையம் எச்சரிக்கை

தமிழகத்திற்கு ரெட் அலர்ட் விடுக்கப்படவில்லை என்று தமிழக வானிலை ஆய்வு மைய இயக்குனர் பாலச்சந்திரன் தெரிவித்துள்ளார். இருப்பினும், மிகத் தீவிரமாக முன்னெச்சரிக்கை நடவடிக்கைகள் எடுக்கப்பட்டு வருவதாக கூறியுள்ளார்.

'50 வருடங்களுக்குப் பிறகு தமிழகத்தை நோக்கி மீண்டும் அந்த புயல்' - தமிழ்நாடு வெதர்மேன் அறிவிப்பை படிக்க இங்கே க்ளிக் செய்யவும்

தமிழகத்தில் அடுத்த 48 மணி நேரத்தில் மிக மிக கனமழை பெய்ய வாய்ப்புள்ளதாக சென்னை வானிலை மையம் எச்சரித்துள்ளது. 

சென்னை கடலில் பலத்த காற்றுடன் லேசான கடல் சீற்றம் காணப்படுவதாக மீன்வர்கள் தெரிவித்துள்ளனர். 

1500 கி.மீ தொலைவில் ஃபனி புயல் தற்போது உள்ளது. கிழக்கில் கிட்டத்தட்ட 85 டிகிரி  நோக்கில். அது நகர்வது மற்றும் வலுப்பெறுவதைத் தொடர்ந்தே அடுத்தக்கட்ட நடவடிக்கை என்று சென்னை வானிலை மையம் தெரிவித்துள்ளது. 

இன்று (25. 4. 19) மற்றும் நாளை  மீனவர்கள் தென்கிழக்கு வங்கக்கடல் பகுதிகளுக்கு செல்ல வேண்டாம் என்று சென்னை வானிலை மையம் எச்சரிக்கை விடுத்துள்ளது. 

சென்னைக்கு 1500 கி.மீ. தூரத்தில் காற்றழுத்த தாழ்வு பகுதி நிலை கொண்டுள்ளது. இது நாளை காற்றழுத்த தாழ்வு மண்டலமாக மாறும். இந்த காற்றழுத்த தாழ்வு மண்டலம் ஏப்ரல் 27, 28-ஆம் தேதி புயலாக மாறும்.அவ்வாறு உருவானால் வடதமிழகம் நோக்கி வர வாய்ப்புள்ளது. எனவே ஏப்ரல் 28, 29 ஆகிய தேதிகளில் புயலாக மாறும். இந்த தேதிகளில் கனமழை பெய்யும்.

ஏப்ரல் 30 மற்றும் மே 1-ஆம் தேதி கனமழை முதல் மிக கனமழை பெய்யும் என்பதால் அந்த இரு தினங்களுக்கு தமிழகத்துக்கு ரெட் அலர்ட் எச்சரிக்கை” விடுக்கப்பட்டுள்ளது என்றார். 

தமிழகம் மற்றும் புதுவைக்கு ஏப்ரல் 30, மே 1 ஆகிய இருநாட்களுக்கு ரெட் அலர்ட் அறிவிக்கப்பட்டுள்ளது. கன மழை பெய்யும் என்பதால் முன் எச்சரிக்கைக்காக ரெட் அலர்ட் விடுக்கப்படுகிறது. 

நெல்லை, தூத்துக்குடி, விருதுநகர், மதுரை, சிதம்பரம் ஆகிய இடங்களில் பலத்த சூறைக்காற்றுடன் மழை பெய்து வருகிறது. 

தமிழகம் மற்றும் புதுச்சேரியில் கனமழைக்கு வாய்ப்பு. வட மாநிலங்களான ஆசாம், மேகாலயா, அருணாச்சலபிரதேசம், மேற்கு வங்காளம், சிக்கீம் ஆகிய பகுதிகளிலும் கனமழை பெய்து வருகிறது என்று தெரிவிக்கப்பட்டுள்ளது.

Heavy to very heavy rainfall at isolated places likely over #Tamilnadu & #Puducherry and Heavy Rainfall at isolated places likely over #Assam & #Meghalaya, #Arunachal Pradesh, and Sub-Himalayan #WestBengal & #Sikkim.

IMD

— NDMA India (@ndmaindia) 25 April 2019

புயல் முன் எச்சரிக்கை நடவடிக்கையாக மாவட்ட நிர்வாகத்திற்கு அறிவுறுத்தப்பட்டுள்ளது.  தமிழக பேரிடர் மீட்புத்துறையினர் மற்றும் பேரிடர் மேலாண்மை துறையினருக்கு தகவல் கொடுக்கப்பட்டுள்ளது. 

ஃபனி என்பது உருது வார்த்தை. இதற்கு பல்வேறு அர்த்தங்கள் உள்ளன. பிரமாண்டமானது, ஆபத்தானது என்பது போன்ற பல்வேறு அர்த்தங்கள் ஃபனி புயலுக்கு கூறப்பட்டுள்ளன. 

மழை மற்றும் புயல் குறித்த உடனடி தகவல்களுக்கு இலவச உதவி எண் அறிவிக்கப்பட்டுள்ளது. 1800 220 161 என்ற எண்ணிற்கு தொடர்ப்பு  கொண்டு உங்கள் பகுதியில் மழை நிலவரம் குறித்து தெரிந்துக் கொள்ளுங்கள். மற்றவர்களுக்கும் பகிருங்கள். 

காற்றழுத்த தாழ்வு பகுதி அடுத்த 36 மணி நேரத்தில் காற்றழுத்த தாழ்வு மண்டலமாக மாறும். இது வடகிழக்கு திசை நோக்கி நகர்ந்து, அடுத்த 48 மணி நேரத்தில் புயலாக மாறும் என சென்னை வானிலை மைய இயக்குனர் பாலசந்திரன் தெரிவித்துள்ளார். 

குளச்சல் சுற்றுவட்டார கடற் பகுதியில் கடல் சீற்றம்  காரனமாக  500க்கும் மேற்பட்ட கட்டுமர நாட்டு படகுகள் கரையிலேயே நிறுத்தி வைக்கப்பட்டுள்ளன. 

கன்னியாகுமரியில் இன்று காலை முதல் கடல் சீற்றம் காணப்பட்டு வருவதால் பொதுமக்கள் மற்றும் மீன்வர்கள் பீதி அடைந்துள்ளனர். 

தமிழகம், புதுச்சேரியில் அடுத்த 48 மணி நேரத்தில் கனமழை முதல் மிக கனமழை பெய்யும்  என்று இந்திய வானிலை ஆய்வு மையம்  தெரிவித்துள்ளது. 

நாளை முதல் மீனவர்கள் கடலுக்குள் செல்ல வேண்டாம் என்று சென்னை வானிலை மையம் எச்சரித்துள்ளது. 

இன்று சென்னை வானிலை ஆய்வு மையம் வெளியிட்டுள்ள அறிக்கை: 

”புதிதாக உருவாகியுள்ள காற்றழுத்த தாழ்வு பகுதியானது, அடுத்த 36 மணி நேரத்தில் காற்றழுத்த தாழ்வு மண்டலமாக மாறும். பின்னர் அது வலுப்பெற்று வடகிழக்கு திசை நோக்கி நகர்ந்து, புயலாக மாற வாய்ப்பு உள்ளது. புயலாக மாறினால் அதற்கு ஃபனி (Cyclone Fani) என பெயரிடப்படும். இந்த புயல் 30-ம் தேதி தமிழக பகுதியில் கரை கடக்க வாய்ப்பு உள்ளது” 

தமிழகத்திற்கு   60 சதவீதம் மட்டுமே புயல் மற்றும் மழைக்கு வாய்ப்புள்ளதாக தமிழ்நாடு வெதர்மேன்  ஃபேஸ்புக் பக்கத்தில் தெரிவித்துள்ளார். 

கோடை காலத்தில் புயல் வருவதற்கான வாய்ப்பு குறைவுதான் என்று  தகவல் வெளியாகியிள்ள நிலையில்,   மீனவர்கள் , தங்களின் பாரம்பரிய கணிப்பு முறைகளின் படி சித்திரை புயல் ஆபத்தானது  என்று கூறி அச்சப்பட்டு வருகின்றனர். 

Weather Forecast and warning based on 0300 UTC of 24th April, 2019 pic.twitter.com/ep4epI4fkj

— IMD Weather (@IMDWeather) 24 April 2019

இந்திய பெருங்கடல் மற்றும் தென்மேற்கு வங்கக்கடல் சந்திக்கும் பகுதியில் புதிய காற்றழுத்த தாழ்வு பகுதி உருவானது என்று இந்திய வானிலை ஆய்வு மையம் தெரிவித்து உள்ளது.