கோயில் அர்ச்சகர்களுக்கு நிவாரணப் பொருட்கள் வழங்கிய முஸ்லீம்கள்

Muslim charity organization provides relief goods to Hindu temple priests Tanjore : கொரோனா வைரஸ் பரவலை தடுக்க ஊரடங்கு உத்தரவு அமலில் உள்ளது. இந்தியா முழுவதும் பொதுநிகழ்ச்சிகள், பொது வழிபாடு, போக்குவரத்து என மக்கள் கூடும் அனைத்து நிகழ்வுகளுக்கும் / செயல்பாடுகளுக்கும் தடை விதிக்கப்பட்டுள்ளது. திருமணங்கள், கோவில் நிகழ்வுகள் என அனைத்திற்கும் தற்போது தடை உத்தரவு பிறப்பிக்கப்பட்டிருப்பதால் கோவில் அர்ச்சகர்கள் பெரும் சிரமத்திற்கு ஆளாகியுள்ளனர்.

மேலும் படிக்க : கடமை முக்கியம் : தந்தையின் இறுதி சடங்கில் பங்கேற்காத யோகி; தாய்க்கு மன்னிப்பு கடிதம்

தஞ்சையில் அவர்களின் நிலையை புரிந்து கொண்ட இஸ்லாமியர்கள் கோவில் குருக்கள்களுக்கு உதவி செய்து வருகின்றனர். தஞ்சை அய்யங்கடை தெரு பள்ளிவாசல் இமாம் முகமது ருஸ்தும் அலியின் ஏற்பாட்டின் படி, ரசா - இ - முஸ்தபா அறகக்ட்டளை சார்பில் தஞ்சை வடக்கு வீதியில் உள்ள 15 இந்து கோவில் அர்ச்சகர்களுக்கு தேவையான அத்தியாவசிய உணவுப் பொருட்கள் வழங்கப்பட்டது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  t.me/ietamil“

கொரோனா ஊரடங்கால் பாதிக்கப்பட்டிருக்கும் அனைத்து தரப்பு மக்களுக்கும் நாங்கள் உதவி வருகின்றோம். சாதி மதம் பார்க்க இது நேரமில்லை. ஒற்றுமையுடன் நாங்கள் இருக்கின்றோம் அதனால் தான் கோவில் அர்ச்சகர்களுக்கும் நாங்கள் உதவி செய்தோம் என்று கூறியுள்ளனர்.

மேலும் படிக்க : காட்டு வழிப் பயணம் : சொந்த ஊரை நெருங்கும் போது மரணமடைந்த 12 வயது சிறுமி