டெல்லியில் பாஜக ஆட்சி அமைக்கும் – மனோஜ் திவாரி

சென்னையில் பெட்ரோல் விலை 24 பைசாக்கள் குறைந்து லிட்டர் ரூ.75.27-க்கும், டீசல் விலை 27 பைசாக்கள் குறைந்து ரூ.69.10-க்கும் விற்பனை செய்யப்பட்டு வருகிறது.

Tamil Nadu news today live updates Delhi elections :  பரபரப்பான பரபரப்பான பரப்புரைகள், காரசாரமான பிரச்சாரங்கள், தேர்தல் ஆணையத்தின் கிடுக்குப்பிடி என அனைத்தையும் கடந்து இன்று காலை 8 மணியில் இருந்து நடைபெற்று வருகிறது டெல்லி தேர்தல். இந்த தேர்தலை அமைதியான முறையில் நடத்த கிட்டத்தட்ட 40 ஆயிரம் காவல்துறையினரையும், 19 ஆயிரம் ஹோம் கார்டுகளையும், 190 துணை ராணுவ படைகளையும் நிறுத்தியுள்ளது மத்திய அரசு. பிரதமர் மோடி. டெல்லி முதல்வர் அரவிந்த் கெஜ்ரிவால் உள்ளிட்டோர் இளைஞர்களை தேர்தலில் வந்து வாக்களிக்குமாறு ட்விட்டரில் பதிவிட்டுள்ளனர். சிவில் லைன்ஸ் போலிங் பூத்தில் தன்னுடைய வாக்கினை பதிவு செய்தார் அம்மாநில முதல்வர் அரவிந்த் கெஜ்ரிவால். டெல்லி தேர்தல் தொடர்பான அனைத்து அப்டேட்களையும் உடனுக்குடன் ஆங்கிலத்தில் தெரிந்து கொள்ள 

அரவிந்த் கெஜ்ரிவால் பெண்களுக்காக அறிவித்த திட்டங்கள் குறித்து பெண்களின் கருத்து என்ன?

இந்தியா Vs நியூசிலாந்து இரண்டாவது ஒரு நாள் கிரிக்கெட் போட்டி

நியூசிலாந்து சென்றுள்ள இந்திய கிரிக்கெட் அணி ஏற்கனவே டி20 தொடரை கைப்பற்றியது. இந்நிலையில் ஒரு நாள் கிரிக்கெட் தொடர்கள் நடைபெற்று வருகின்றது. இந்த தொடரில் முதல் போட்டியை நியூசிலாந்து அணி ஏற்கனவே வென்றது. தற்போது இரண்டாவது போட்டி ஈடன் பார்க் மைதானம், ஆக்லாந்தில் நடைபெற்று வருகிறது. ஒரு நாள் கிரிக்கெட் தொடரில் இன்று இந்தியா வெற்றியை கைப்பற்றுமா? முழுமையான லைவ் அப்டேட்டினை பெற்றிட

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற t.me/ietamil

Live Blog

இன்று தமிழகம் மற்றும் இந்தியாவின் பல்வேறு பகுதிகளில் நடைபெறும் அனைத்து முக்கிய நிகழ்வுகளையும் உடனுக்குடன் அறிந்து கொள்ள இந்த இணைப்பில் இணைந்திருங்கள்.

21:17 (IST)08 Feb 2020
டெல்லியில் பாஜக ஆட்சி அமைக்கும் – மனோஜ் திவாரி

தற்போது வெளியாகியுள்ள  கருத்துக் கணிப்புகள் அனைத்தும் பிப்ரவரி 11 ஆம் தேதி தோல்வியடையும் என்று மனோஜ் திவாரி தெரிவித்துள்ளார். பாஜக டெல்லியில் 48 தொகுதிகளை கைப்பற்றி ஆட்சி அமைக்கும் என்றும் தெரிவித்துள்ளார்.  

19:59 (IST)08 Feb 2020
தர்பார் விநியோகஸ்தர்கள் பாதிக்கப்பட்டுள்ளனர் – டி.ராஜேந்தர்

ரஜினியின் தர்பார் திரைப்படம் எதிர்பார்த்த வசூலை குவிக்காததால் திரைப்பட விநியோகஸ்தர்கள் நஷ்டம் அடைந்துள்ளதாகக் கூறப்படுகிறது.இதனைத் தொடர்ந்து, நஷ்டம் அடைந்த விநியோகஸ்தர்கள், தங்களுடைய பிரச்னையை தீர்க்காவிட்டால் உண்ணவிரதப் போராட்டம் நடத்துவோம் என்று எச்சரித்தனர்.

இந்நிலையில், இது தொடர்பாக கருத்து தெரிவித்த திரைப்பட இயக்குனர் டி.ராஜேந்தர், தர்பார் படத்தால் விநியோகஸ்தர்கள் மிகவும் பாதிப்பு அடைந்துள்ளதாக தெரிவித்துள்ளார். அவர் பாணியில் "இன்றைக்கு தைப்பூசம் ஆனால் ‘தர்பார்’ படத்தை வாங்கியவர்கள் ஆகிவிட்டார்கள் மோசம்" என்றார்.

18:51 (IST)08 Feb 2020
ரிபப்ளிக் டிவி கருத்துக் கணிப்பில் பாஜகவுக்கு 9-21 இடங்கள்

ரிபப்ளிக் டிவி  நடத்திய கருத்துக் கணிப்பின்படி, கெஜ்ரிவால் தலைமையிலான ஆம் ஆத்மி கட்சிக்கு 48-61 இடங்கள் கிடைத்துள்ளன. இந்த வாக்கெடுப்பு பாஜகவுக்கு 9-21 இடங்களை கணித்துள்ளது.

ரிபப்ளிக் டிவி - கருத்துக் கணிப்பு 

மொத்த இடங்கள்: 70

ஆம்: 48-61பாஜக: 9-21காங்கிரஸ்: 0-1

18:46 (IST)08 Feb 2020
ஆம் ஆத்மி கட்சி அமோக வெற்றி பெரும் – கருத்துக் கணிப்பு முடிவுகள்

இன்று நடந்து முடிந்த டெல்லி சட்டமன்றத் தேர்தலில் ஆம் ஆத்மி கட்சி அமோக வெற்றி பெரும் என்று கருத்துக் கணிப்பில் தெரியவந்துள்ளது.

இந்தியா நியூஸ்-நேதா -  கருத்துக் கணிப்பு  

ஆம் ஆத்மி: 53-57 இடங்கள்பாஜக: 11-17காங்கிரஸ்: 0-2 இடங்கள்.

டைம்ஸ் நவ்-ஐபிஎஸ்ஓஎஸ் ஆம் ஆத்மி கட்சிக்கு 44 இடங்களை கணித்துள்ளது

மொத்த இடங்கள்: 70

ஆம்: 44பாஜக: 26காங்கிரஸ்: 0

18:01 (IST)08 Feb 2020
டெல்லி தேர்தலில் 54% வாக்குப்பதிவு

டெல்லி சட்டமன்றத் தேர்தலில் மாலை 5.30 மணி வரை 53.99 சதவீத வாக்குகள் பதிவாகியுள்ளதாக தேர்தல் ஆணையம் தெரிவித்துள்ளது.டெல்லி தேர்தலுக்கான கருத்துக் கணிப்புகள் இன்று மாலை 6.30 மணிக்குப் பிறகு அறிவிக்கப்படுகிறது. 

17:25 (IST)08 Feb 2020
எல்ஐசி பங்குகள் தனியாருக்கு விற்கும் முடிவு ஏன்? நிர்மலா சீதாராமன் விளக்கம்

எல்ஐசியின் பங்குகளை தனியாருக்கு விற்கத் திட்டம் குறித்த கேள்விக்கு பதிலளித்த நிர்மலா சீதாராமன்போத், எல்ஐசி போன்ற  பொது துறை கம்பெனியில் பொதுமக்களின் பங்குகளும் இருக்க வேண்டும் என்பதற்காக  தான் இந்த முடிவுகள் எடுக்கப்பட்டதாக தெரிவித்தார். மேலும்,  எத்தனை சதவிகித பங்குகள் என்பது இன்னும் முடிவு செய்யவில்லை என்றும் தெரிவித்தார்.  

16:34 (IST)08 Feb 2020
நிர்மலா சீதாராமன் செய்தியாளர்களுடன் சந்திப்பு

சென்னையில் இன்று ஒரு நாள் சுற்றுப்பயணம் செய்த நிதி அமைச்சர் நிர்மலா சீதாராமன் தற்போது செய்தியாளர்களை சந்தித்து வருகிறார். முன்னதாக  நிதி அமைச்சர்  பொருளாதார நிபுணர்கள், கல்வியாளர்கள், கொள்கை வல்லுநர்களுடன் #பட்ஜெட்2020 குறித்து தற்போது கலந்துரையாடினார்.  

15:46 (IST)08 Feb 2020
New Zealand Vs India

இந்தியாவுக்கு எதிரான இரண்டாவது போட்டியிலும் நியூசிலாந்து அணி வெற்றி. இன்று ஆக்லாந்தில் நடைபெற்ற போட்டியில் 274 ரன்களை இலக்காக வைத்தது நியூசிலாந்து அணி. இரண்டாவதாக களம் இறங்கியது இந்திய அணி. 22 ரன்கள் வித்தியாசத்தில் நியூசிலாந்து அணி இந்த தொடரின் இரண்டாவது வெற்றியை பதிவு செய்துள்ளது.

15:25 (IST)08 Feb 2020
தமிழகத்தில் ஆட்டோ மொபைல் தொழிற்சாலைகள் - பன்வாரிலால் புரோஹித் பேச்சு

தோல் பொருட்கள் ஏற்றுமதியில் தமிழகத்தின் பங்கு 50%-மாக உள்ளது என்றும் ஆட்டோ மொபைல் தொழிற்சாலைகளில் முதல் 10 இடங்களில் உள்ள தொழிற்சாலைகள் தமிழகத்தில் தான் உள்ளது என்றும் ஆளுநர் பேச்சு

15:22 (IST)08 Feb 2020
தவறு செய்தவர்கள் மீது நடவடிக்கை - முதல்வர் பழனிசாமி

தவறு செய்தவர்கள் மீது டி.என்.பி.எஸ்.சி நடவடிக்கை மேற்கொண்டு வருகிறது என்றும் மாணவர்களின் தகுதியை மேம்படுத்த தேர்வுகள் அவசியம் என்றும் முதல்வர் பழனிசாமி அறிவித்துள்ளார்.

15:12 (IST)08 Feb 2020
செங்கல் சூளையில் கொத்தடிமைகளாக பணியாற்றிய குழந்தைகள் மீட்பு

நாமக்கல் மாவட்டம் புதுக்கோம்பை பகுதியில் உள்ள செங்கல் சூளையில் கொத்தடிமைகளாக பணியாற்றிய 15 குழந்தைகள் உட்பட 48 பேரை மீட்ட வருவாய் துறையினர் தற்போது விசாரணை மேற்கொண்டு வருகின்றனர்.

15:09 (IST)08 Feb 2020
டெல்லி தேர்தல் 2 மணி நிலவரம்

டெல்லி சட்டப்பேரவை தேர்தலில் பிற்பகல் 2 மணி வரை 28.14% வாக்குகள் பதிவாகியுள்ளது.

14:37 (IST)08 Feb 2020
தற்காப்பு கலைகள் பெண்களுக்கு மிகவும் அவசியம் - தமிழிசை

தற்காப்பு கலைகள் பெண்களுக்கு மிக மிக அவசியமான ஒன்று என தெலுங்கானா மாநில ஆளுநர் தமிழிசை சௌந்தரராஜன் அறிவித்துள்ளார்.

13:59 (IST)08 Feb 2020
டெல்லி சட்டப்பேரவை தேர்தல் பிற்பகல் 1 மணி நிலவரம்

70 சட்டமன்ற தொகுதிகளுக்கு நடைபெற்று வரும் டெல்லி சட்டமன்ற தேர்தல் பிற்பகல் 1 மணி நிலவரப்படி 26.36% மக்கள் வாக்குகளை பதிவு செய்துள்ளனர்.

13:58 (IST)08 Feb 2020
நீட் தேர்வு விவகாரத்தில் தமிழக அரசு தீர்மானம் நிறைவேற்ற வேண்டும்

மத்திய அரசு வருமான வரித்துறையை பயன்படுத்தி அனைவரையும் அடிபணிய வைக்க முயலுகிறது என்றும் நீட் விவகாரத்தில் தமிழக அரசு இரட்டை வேடம் போடாமல் சட்டமன்றத்தில் தீர்மானம் நிறைவேற்ற வேண்டும் என்றும் முத்தரசன் கூறியுள்ளார்.

12:55 (IST)08 Feb 2020
இந்திய டென்னிஸில் அடுத்த தலைமுறை வீரர்களை உருவாக்க முன்னாள் வீரர்கள் தேவை - லியாண்டர் பயஸ்

இந்தியாவில் டென்னிஸ் விளையாட்டில் அடுத்த தலைமுறை வீரர்களை உருவாக்க டிராவிட், கோபிசந்த் உள்ளிட்ட பல முன்னாள் வீரர்கள் தேவை என டென்னிஸ் வீரர் லியாண்டர் பயஸ் தெரிவித்துள்ளார்.

12:32 (IST)08 Feb 2020
கேங்மேன் தேர்வில் முறைகேடுகள் ஏதும் நடைபெறவில்லை

90 ஆயிரம் பேர் கலந்து கொண்ட கேங்மேன் தேர்வில் முறைகேடுகள் எதுவும் நடக்கவில்லை என அமைச்சர் தங்கமணி அறிவித்துள்ளார். மேலும் முழுமையாக பதிவு செய்யப்பட்ட வீடியோ பதிவை நீதிமன்றத்தில் அளிக்க தயாராக உள்ளோம் என்றும் அவர் அறிவித்தார்.

12:08 (IST)08 Feb 2020
டி.என்.பி.எஸ்.சி தேர்வுகள் முறைகேடு விவகாரம்

2003 மற்றும் 2007 ஆண்டுகளில் நடைபெற்ற குரூப் 1 தேர்வுகளிலும் முறைகேடு என சி.பி.சி.ஐ.டி. -ஐஜிக்கு கடிதம் அனுப்பப்பட்டுள்ளது.2004ம் ஆண்டு முதல் இதுவரை 7 தேர்வுகளில் முறைகேடுகள் நடைபெற்றிருப்பதாகவும் அதிர்ச்சி தகவல்.

11:48 (IST)08 Feb 2020
ஆக்கிரமிப்பு நிலங்களை மீட்க தனிப்பிரிவு

புறம்போக்கு நில ஆக்கிரமிப்புகளை மீட்க தனி பிரிவை அரசு ஏன் துவங்கக் கூடாது என்று சென்னை உயர் நீதிமன்றம் கேள்வி எழுப்பியுள்ளது. மேலும் இதற்கு 3 வாரங்களில் பதிலளிக்க தமிழக அரசுக்கு சென்னை உயர் நீதிமன்றம் உத்தரவும் பிறப்பித்துள்ளது. 

11:41 (IST)08 Feb 2020
தங்கம் விலை உயர்வு

தங்கம் விலை சவரனுக்கு ரூ. 200 அதிகரித்துள்ளது. சென்னையில் தற்போது ஒரு சவரன் தங்கம் ரூ. 31,184க்கு விற்பனை செய்யப்பட்டு வருகிறது.

11:31 (IST)08 Feb 2020
Ind Vs New Zealand 2nd ODI

2வது ஒருநாள் கிரிக்கெட் போட்டியில் இந்திய அணி வெற்றி பெற 274 ரன்கள் இலக்கினை நிர்ணயித்தது நியூசிலாந்து அணி. ஆக்லாந்தில் முதலில் பேட்டிங் செய்த நியூசிலாந்து அணி 8 விக்கெட்டுகள் இழப்புக்கு 273 ரன்கள் எடுத்ததுள்ளது.  

11:25 (IST)08 Feb 2020
சிஏஏவுக்கு எதிராக 2 கோடி பேர் கையெழுத்து

ஒரு கோடி கையெழுத்து எதிர்பார்த்த நிலையில், 2 கோடி பேர் கையெழுத்திட்டுள்ளனர் என்று முக ஸ்டாலின் அறிவித்துள்ளார். சிஏஏவுக்கு எதிரான கையெழுத்து இயக்கத்தில் பெறப்பட்ட கையெழுத்தின் நகல்களை குடியரசுத் தலைவரிடம் 5 நாட்களில் ஒப்படைக்க உள்ளதாகவும் அறிவிப்பு.

11:15 (IST)08 Feb 2020
டி.என்.பி.எஸ்.சி. குரூப் 2ஏ முறைகேடு மேலும் 2 அரசு பணியாளர்கள் கைது

டி.என்.பி.எஸ்.சி குரூப் 2ஏ முறைக்கேட்டில் கரூர் மற்றும் மயிலாடுதுறையை சேர்ந்த அரசு ஊழியர்களை கைது செய்தது சிபிசிஐடி. இதுவரை முறைகேடு தொடர்பாக கைது செய்யப்பட்டவர்களின் எண்ணிக்கை 36 ஆக அதிகரித்துள்ளது.

11:14 (IST)08 Feb 2020
தைப்பூச விழாவிற்கு பொது விடுமுறை?

இனி வரும் காலங்களில் தமிழகத்தில் நடைபெறும் தைப்பூச திருவிழாவிற்கு பொதுவிடுமுறை அளிப்பது குறித்து முதல்வரே முடிவெடுப்பார் என்று அமைச்சர் செங்கோட்டையன் அறிவித்துள்ளார்.

11:02 (IST)08 Feb 2020
தஞ்சை பெரிய கோவில் குடமுழுக்கு பணியில் ஈடுபட்ட துப்புரவு தொழிலாளருக்கு பிரியாணி விருந்து

தஞ்சை பெரிய கோவிலில் குடமுழுக்கு விழா 5ம் தேதி சீறும் சிறப்புமாக நடைபெற்றது. இதில் அயராது துப்பரவு பணியினை மேற்கொண்ட துப்புரவு பணியாளர்களுக்கு பிரியாணி விருந்து வழங்கப்பட்டது. மேலும் ஊக்கத்தொகையாக ரூ. 1000-மும் வழங்கப்பட்டது. தனியார் திருமண மண்டபத்தில் நடைபெற்ற இந்த நிகழ்வில் தஞ்சை மாவட்ட ஆட்சியர் கோவிந்த ராவ் 280 துப்புரவு தொழிலாளர்களுக்கு சான்றிதழ் வழங்கி பாராட்டு தெரிவித்தார்.

10:54 (IST)08 Feb 2020
MK Stalin on Kashmir Issue

காஷ்மீர் தலைவர்களை சிறையில் வைத்திருப்பதை மத்திய அரசு கைவிடவேண்டும் என்றும் காஷ்மீரில் அடைக்கப்பட்டிருக்கும் ஜனநாயக கதவுகளை திறந்து விட வேண்டும் என்றும் திமுக தலைவர் ஸ்டாலின் அறிக்கை வெளியிட்டுள்ளார்.

10:45 (IST)08 Feb 2020
டெல்லி வாக்குப்பதிவு 9 மணி நிலவரம்

காலை 9 மணி நிலவரப்படி டெல்லி தேர்தலில் 4.33% வாக்குகளே பதிவாகியுள்ளது. 70 சட்டமன்ற இடங்களுக்கு மொத்தம் 672 வேட்பாளர்கள் போட்டியிடுகின்றனர். இதற்காக 13 ஆயிரத்து 750 வாக்குச் சாவடிகள் அமைக்கப்பட்டுள்ளது.

ராஜீவ் காந்தி கொலைக் குற்றவாளியான பேரறிவாளனின் விடுதலை தொடர்பான முடிவுகளை தமிழக ஆளுநர் சுதந்திரமாக மேற்கொள்ளலாம் என்று மத்திய அரசு நேற்று (07/02/2020) சென்னை உயர் நீதிமன்றத்தில் அறிவித்துள்ளது. மேலும் 7 பேர் விடுதலை தொடர்பாக தமிழக அரசு வைத்த கோரிக்கையை மத்திய அரசு 2018ம் ஆண்டிலேயே நிராகரித்துவிட்டது என்பதையும் மீண்டும் தங்களின் அறிக்கை மூலம் தெளிவுப்படுத்தியுள்ளது மத்திய அரசு. பேரறிவாளனுக்கு சாதகமாக ஆளுநர் முடிவெடுப்பார் என்று தமிழக அரசியல் வட்டாரங்கள் எதிர்பார்த்து வருகின்றனர். இது தொடர்பான முழுமையான  தகவல்களைப் படிக்க

Web Title:

Tamil nadu news today live updates delhi elections

The moderation of comments is automated and not cleared manually by tamil.indianexpress.com.
Just Now
X
×Close
×Close