ஒரு ஸ்பூன் நெய், ஊற வைத்த முந்திரி, தயிர்… உங்க மூளையை சுறுசுறுப்பாக்கும் உணவுகள் எவை தெரியுமா?

Tamil health tips: பதட்டம், பயம் போன்ற உணர்வுகள், வியர்வை மற்றும் அமைதியின்மையாக வெளிப்படுகின்றன. இருப்பினும், மன அழுத்தத்திற்கான எதிர்வினையாக இது அடிக்கடி மாறினால், சில வாழ்க்கை முறை மாற்றங்களைச் செய்ய நீங்கள் பரிசீலிக்க வேண்டும்.

"கவலை என்பது ஒரு பரவலான நிலை. உலகளவில் மில்லியன் கணக்கான மக்களை இது பாதிக்கிறது. அறிகுறிகள் மாறுபடும், சிலருக்கு இப்போதும் அவ்வப்போது மட்டுமே ஏற்படும். பல சந்தர்ப்பங்களில், சிகிச்சையின் முக்கிய போக்காக மருந்து அடிக்கடி தேவைப்படுகிறது. ஆனால் நீங்கள் சாப்பிடக்கூடிய சில உணவுகள் மூளையின் செயல்பாட்டை ஆதரிக்கவும் உங்கள் அறிகுறிகளின் தீவிரத்தை குறைக்கவும் உதவும் ஒன்றாக இருக்க வேண்டும். மேலும், அவை மூளையை சுறுசுறுப்பாக்கும் பண்புகளை கொண்டிருக்க வேண்டும்." என ஊட்டச்சத்து நிபுணர் லோவ்னீத் பத்ரா தனது இன்ஸ்டாகிராம் பதிவில் கூறியுள்ளார்.

பாத்ராவின் கூற்றுப்படி, உங்கள் மூளையை சுறுசுறுப்பாக்கும் உணவுகளை இங்கு பார்க்கலாம்.

ஒமேகா-3 நிறைந்த உணவுகள்

ஒமேகா -3 நிறைந்த உணவுகள் வீக்கத்தையும் பதட்டத்தையும் குறைக்கும். நெய் போன்ற உணவுகளில் ஒமேகா-3 நிரப்பி காணப்படுகிறது. உங்கள் உணவுகளுடன் ஒவ்வொரு நாளும் குறைந்தது ஒரு தேக்கரண்டி நெய் இருக்க பரிந்துரைக்கப்படுகிறது.

டிரிப்டோபன் நிறைந்த உணவுகள்

தயிர் (வீட்டில் தயாரிக்கப்பட்ட தயிர்) புரோபயாடிக்குகள் அல்லது நட்பு பாக்டீரியாவைக் கொண்டுள்ளது. மற்றும் தீங்கு விளைவிக்கும் நோய்க்கிருமிகளுக்கு எதிராக பாதுகாக்க உதவுகிறது. உணவில் தயிரைச் சேர்த்துக்கொள்வது இயற்கையான குடல் பாக்டீரியாக்களுக்கு நன்மை பயக்கும். மேலும் கவலை மற்றும் மன அழுத்தத்தைக் குறைக்க உதவும்.

மெக்னீசியம் மற்றும் பொட்டாசியம் நிறைந்த உணவுகள்

வாழைப்பழங்கள் மற்றும் பூசணி விதைகள் போன்றவை பொட்டாசியம் மற்றும் மெக்னீசியத்தின் சிறந்த மூலமாகும். இது எலக்ட்ரோலைட் சமநிலையை சீராக்க மற்றும் இரத்த அழுத்தத்தை நிர்வகிக்க உதவுகிறது. இந்த உணவுகளை சாப்பிடுவது மன அழுத்தம் மற்றும் பதட்டம் போன்ற அறிகுறிகளைக் குறைக்க உதவும்.

வைட்டமின் டி (சூரிய ஒளி வைட்டமின்)

வைட்டமின் டி குறைபாடு மனச்சோர்வு மற்றும் பதட்டம் போன்ற மனநிலை கோளாறுகளுடன் இணைக்கப்பட்டுள்ளது. வைட்டமின் டி இன் சிறந்த ஆதாரம் காலை நேரங்களில் 10-15 நிமிடங்கள் சூரிய ஒளி பெறுவது தான்.

ஊறவைத்த திராட்சை மற்றும் குங்குமப்பூ

4-5 குங்குமப்பூவுடன் திராட்சையை ஊறவைத்து இரவில் தூங்கும் முன் சாப்பிட்டு வரவும். இவை உங்களுக்கு நல்ல தூக்கத்தை வழங்கவதோடு மறுநாள் காலை நீங்கள் புத்துணர்ச்சியுடன் எழவும், சுறுசுறுப்பாக இருக்கவும் உதவுகிறது.

View this post on Instagram

A post shared by Lovneet Batra (@lovneetb)

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“