scorecardresearch

எடை இழப்பு, தீராத பல்வலி… கிராம்பில் இவ்வளவு நன்மை இருக்கு!

kirambu nanmaigal or Clove benefits and its side effects in tamil: கிராம்பு குறைந்த கலோரி உள்ளடக்கம் மற்றும் அதிக நார்ச்சத்து கொண்டது. இது நமது உடல் கூடுதல் கிலோ பெறுவதைத் தடுக்கிறது. இதிலுள்ள நார்ச்சத்து செரிமானத்திற்கு உதவுகிறது.

Tamil health tips: medical benefits of Cloves and side effects

Tamil health tips: நம்முடைய வீடுகளில் எளிதாகக் காணக்கூடிய ஒரு மூலப்பொருளாக கிராம்பு உள்ளது. சமையலில் மிகவும் பிரபலமான மசாலாவாக இருக்கும் கிராம்பு பல ஆரோக்கிய நன்மைகளை உள்ளடக்கிய ஒரு மந்திர மூலிகையாகும். மேலும், பல்வேறு இது மருத்துவ குணங்களையும் கொண்டுள்ளது.

கிராம்பை பச்சையாகவோ அல்லது அதிலிருந்து எடுக்கப்பட்ட எண்ணெயாகவோ உட்கொண்டால் பல்வேறு ஆரோக்கிய நன்மைகளை பெறலாம். எனினும், இந்த கிராம்பு சில பக்கவிளைவுகளையும் கொண்டுள்ளது. அந்த வகையில், கிராம்பின் அற்புத ஆரோக்கிய நன்மைகள் மற்றும் பக்கவிளைவுள் பற்றி இங்கு தெரிந்துகொள்ளலாம்.

கிராம்பு ஆரோக்கிய நன்மைகள்

ஊட்டச்சத்துக் களஞ்சியம்

கிராம்பு பல முக்கிய ஊட்டச்சத்துக்களைக் கொண்டுள்ளது. இது உணவின் சுவை மற்றும் ஊட்டச்சத்தை அதிகரிக்கிறது. இதில் நார்ச்சத்து, வைட்டமின் கே மற்றும் மாங்கனீஸ் உள்ளது. மாங்கனீசு ஒரு அத்தியாவசிய கனிமமாகும், இது மூளையின் சரியான செயல்பாட்டிற்கு உதவுகிறது மற்றும் எலும்புகளை வலிமையாக்குகிறது.

எடை குறைக்க உதவுகிறது

கிராம்பு குறைந்த கலோரி உள்ளடக்கம் மற்றும் அதிக நார்ச்சத்து கொண்டது. இது நமது உடல் கூடுதல் கிலோ பெறுவதைத் தடுக்கிறது. இதிலுள்ள நார்ச்சத்து செரிமானத்திற்கு உதவுகிறது.

தவிர, கிராம்பு உடலின் வளர்சிதை மாற்றத்தை அதிகரிக்கிறது. ஒரு நல்ல வளர்சிதை மாற்ற விகிதம் நம்மை வேகமாகவும் திறம்படமாகவும் அதிக எடையைக் குறைக்கிறது.

பல் ஆரோக்கியம்

கிராம்பு ஆண்டிமைக்ரோபியல் பண்புகளைக் கொண்டுள்ளது. இது ஆரோக்கியமற்ற பாக்டீரியாக்களின் வளர்ச்சியைத் தடுக்க உதவுகிறது. இந்த காரணத்திற்காக, அவை வாய்வழி ஆரோக்கியத்திற்கு உதவியாக இருப்பது நிரூபிக்கப்பட்டுள்ளது.

கிராம்பு தீராத பல் வலிக்கும் நிவாரணம் தருகிறது. ஒரு முழு கிராம்பை வாயில் வலி உள்ள இடத்தில் சில நிமிடங்களுக்கு வைத்தால், அது அத்தியாவசிய எண்ணெயை வெளியிடுகிறது. இது வலியை மெதுவாக்குகிறது. இது மட்டுமின்றி, மூலிகைப் பற்பசையில் பயன்படுத்தினால், பிளேக் மற்றும் பல் சொத்தையை நீக்கவும் உதவுகிறது.

முன்கூட்டிய விந்துதள்ளல்

சில ஆண்கள் உடலுறவின் போது முன்கூட்டிய விந்துதள்ளல் பிரச்சினையை எதிர்கொள்கின்றனர். முன்கூட்டிய விந்துதள்ளலுக்கு கிராம்பு கொண்டு சிகிச்சையளிக்க முடியும். இது மற்ற பொருட்களுடன் பயன்படுத்தினால் பாலுணர்வை ஏற்படுத்தும்.

கிராம்பின் பக்க விளைவுகள்

கிராம்பை அதிகமாக உட்கொள்ளுதல் அனைத்தும் அதன் பலனைப் பறித்து ஆரோக்கியத்திற்கு சாபமாகிவிடும். இதேபோல், கிராம்பு அதிக அளவில் உட்கொண்டால் அதே விளைவைக் கொண்டுள்ளது.

அதிகப்படியான இரத்தப்போக்கு

கிராம்புகளில் யூஜெனால் என்ற வேதிப்பொருள் உள்ளது. இது இரத்தம் உறைதல் செயல்முறையை மெதுவாக்குகிறது. மருத்துவர் பரிந்துரைத்ததை விட கிராம்பு எண்ணெயை அதிகமாக உட்கொள்வது இரத்தப்போக்கு கோளாறு அல்லது குடல் இரத்தப்போக்குக்கு வழிவகுக்கும்.

இரத்த சர்க்கரை அளவு குறையும்

கிராம்பு நீரிழிவு நோயாளிகளுக்கு பயனுள்ளதாக இருக்கும். ஏனெனில் இது அதிக சர்க்கரை அளவைக் குறைக்கும். இருப்பினும், அதிகமாக உட்கொண்டால், அது இன்சுலின் அளவைக் குறுக்கிடும் மற்றும் அது அதிகமாகக் குறையச் செய்யும். அறுவைசிகிச்சைக்கு முன்னும் பின்னும் குறைந்தது இரண்டு வாரங்களுக்கு கிராம்பு சாப்பிடக்கூடாது என்றும் அறிவுறுத்தப்படுகிறது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

Stay updated with the latest news headlines and all the latest Lifestyle news download Indian Express Tamil App.

Web Title: Tamil health tips medical benefits of cloves and side effects