சுகர், பி.பி குறைய துளசி இலை: எப்படி பயன்படுத்துவது?

 Benefits of Tulsi in tamil: துளசி இந்திய துணைக்கண்டம் முழுவதும் காணப்படும் ஒரு தாவரமாகும். இவற்றின் இலைகள் இந்திய மருத்துவத்தில் பரவலாகப் பயன்படுத்தப்படுகிறது. பருவநிலை மாறும்போது துளசி நமது நோய் எதிர்ப்பு சக்தியை அதிகரிக்கச் செய்கிறது. மேலும், இருமல் மற்றும் சளியிலிருந்து விடுபட மக்கள் இவற்றை தேநீருடன் சேர்த்து பருகி வருகிறார்கள்.

மூலிகைகளின் ராணியாகக் கருதப்படும் துளசி, பல ஆரோக்கிய நன்மைகளைக் கொண்டுள்ளது. இதன் இலைகளில் வைட்டமின்கள் கே, ஏ மற்றும் சி போன்ற பல ஊட்டச்சத்துக்கள் நிரம்பியுள்ளன. கால்சியம், பாஸ்பரஸ், மெக்னீசியம், துத்தநாகம் மற்றும் இரும்பு போன்ற தாதுக்களும் மிகுந்து காணப்படுகிறது.

இப்படி எண்ணற்ற ஆரோக்கிய நன்மைகளை கொண்டுள்ள துளசியில் டீ தயார் செய்து பருகி வந்தால் கிடைக்கும் பலன்களை இங்கு பார்க்கலாம்.

நோய் எதிர்ப்பு சக்தியை மேம்படுத்துகிறது

தற்போது நிலவி வரும் கொரோனா தொற்றுநோய்க்கு மத்தியில், நமது நோய் எதிர்ப்பு சக்தியை வலுவாக வைத்திருப்பதன் மூலம் பாதுகாப்பைத் தக்கவைத்துக்கொள்ளலாம்.

துளசி இலைகள் நோய் எதிர்ப்பு சக்தியை அதிகரிக்கும் ஒரு பொருளாகக் கருதப்படுகிறது. இது அமைப்பைக் கட்டுக்குள் வைத்திருக்கும் மற்றும் வைரஸ்களைத் தடுக்கும் என அறியப்படுகிறது.

தொண்டை பிரச்சனைகள்

உங்களுக்கு சளி அல்லது தொண்டை புண் இருந்தால், அதற்கு துளசி தேநீர் மிகவும் நன்றாக உதவும். நுண்ணுயிர் எதிர்ப்பு பண்புகள், சூடான தேநீருடன் இணைந்து, மற்ற எதையும் போலல்லாமல் உங்கள் தொண்டையை ஆற்றும். ஆஸ்துமா மற்றும் மூச்சுக்குழாய் அழற்சி நோயாளிகளுக்கும் இது நன்றாக வேலை செய்கிறது.

இரத்த அழுத்தம்

உயர் இரத்த அழுத்தத்தால் பாதிக்கப்பட்டவர்களுக்கு துளசி சிறந்த மருந்தாக விளங்குகிறது. துளசி இலைகளை தேநீர் வடிவிலோ அல்லது மெல்லும் வடிவிலோ உட்கொள்வது இரத்த அழுத்தத்தை கணிசமாக பாதிக்கும் மற்றும் அதைக் குறைக்க உதவும். இது நீரிழிவு எதிர்ப்பு பண்புகளையும் கொண்டுள்ளது.

மன அழுத்தம் மற்றும் பதட்டத்தை குறைக்கிறது

துளசி இலைகள் ஒரு அடாப்டோஜென் என்று கருதப்படுகிறது. இவற்றில் மன அழுத்தம் மற்றும் பதட்டத்தை சமாளிக்க உதவும் மருந்தியல் பண்புகள் உள்ளன. தொற்றுநோயால் தூண்டப்பட்ட கொந்தளிப்பு பலருக்கு மன அழுத்தம் மற்றும் பல்வேறு மனநலப் பிரச்சினைகளுக்கு காரணமாக அமைந்தது. ஒரு சூடான கப் துளசி தேநீர் மன அழுத்தத்தை சற்று சிறப்பாக சமாளிக்க உதவும்.

தோல் தொற்று

துளசி, களிம்பு அல்லது எண்ணெய், தோல் மற்றும் காயங்கள் தொடர்பான தொற்றுநோயை எதிர்த்துப் போராட உதவுகிறது. கூடுதலாக, இலைகளில் இயற்கையான வலி நிவாரணி குணங்கள் உள்ளன. அவை அத்தகைய தொற்றுநோயால் ஏற்படும் அழற்சி அல்லது வலியைக் கட்டுப்படுத்த உதவுகின்றன.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“