பாகற்காய், நெல்லி, வெந்தயம்… சுகர் பிரச்னை தீர்க்க இப்படி பண்ணுங்க!

Diabetes foods in tamil: இந்தியாவில் பரவலாக காணப்படும் நோய்களுள் ஒன்றாக நீரிழிவு நோய் உள்ளது. சரியான உணவுமுறை மூலம் இதுபோன்ற நோய்களை தடுத்து நிறுத்தலாம் என மருத்துவ நிபுணர்கள் தெரிவிக்கிறார்கள். அந்தவகையில் பாகற்காய், வெந்தயம், நெல்லிக்காய், நாவல் பழம் போன்ற உணவுப்பொருட்கள் சர்க்கரையின் அளவை இயற்கையாகக் கட்டுப்படுத்தும் சிறந்த உணவுகளாக உள்ளது.

பாகற்காய்

காய்கறி வகையில் முக்கிய காய்கறியாக வலம் வரும் பாகற்காய் நீரிழிவு நோயைக் கட்டுப்படுத்த இது மிகவும் உதவியாக உள்ளது. இவை நம் உடல் முழுவதும் குளுக்கோஸ் வளர்சிதை மாற்றத்தை பாதிக்கிறது. தினமும் காலையில் வெறும் வயிற்றில் பாகற்காய் சாறு குடிக்க வேண்டும். மேலும், ஒவ்வொரு நாளும் பாகற்காய் ஒரு உணவை உணவில் சேர்த்துக் கொள்வது மிகவும் நல்லது.

இலவங்கப்பட்டை

இன்சுலினைத் தூண்டி இரத்த சர்க்கரை அளவைக் குறைக்கும் திறன் கொண்டவையாக இலவங்கப்பட்டை உள்ளது. ஒரு கப் வெதுவெதுப்பான நீரில் ஒன்றரை முதல் இரண்டு டீஸ்பூன் இலவங்கப்பட்டையை கலந்து தினமும் சாப்பிடலாம். இதை பானங்கள், மிருதுவாக்கிகள் மற்றும் வேகவைத்த பொருட்களிலும் சேர்த்து சுவைக்கலாம்.

வெந்தயம்

சர்க்கரை நோயைக் கட்டுப்படுத்தும் அற்புதமான மூலிகையாக வெந்தயம் உள்ளது. இவை குளுக்கோஸ் சகிப்புத்தன்மையை மேம்படுத்துகிறது மற்றும் இரத்த சர்க்கரை அளவை குறைக்கிறது. சிறந்த பலன்களுக்கு ஒருவர் தினமும் குறைந்தது இரண்டு தேக்கரண்டி வெந்தய விதைகளை பாலுடன் சேர்த்து சாப்பிடலாம்.

அம்லா அல்லது நெல்லிக்காய்

நெல்லியில் வைட்டமின் சி அதிகம் உள்ளது. இது கணையத்தின் நல்ல செயல்பாட்டை ஊக்குவிக்கிறது. ஒரு கப் பாகற்காய் சாற்றில் ஒரு தேக்கரண்டி நெல்லிக்காய் சாறு கலந்து சில மாதங்களுக்கு தினமும் குடித்து வரலாம்.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil