நீரிழிவை விரட்டும் இலவங்கப் பட்டை நீர்: வீட்டில் எப்படி தயார் செய்வது?

Cinnamon benefits in tamil: பல நூற்றாண்டுகளாக உலகளாவிய கவனத்தை ஈர்த்து வரும் மூலிகைகள் மற்றும் மசாலாப் பொருட்களின் புதையலாக இந்தியா உள்ளது. இதற்கு ஒரு தனித்துவமான சான்று என்னவென்றால், நம்முடைய மசாலாப் பொருட்கள் அவற்றின் செழுமையான வாசனை, சுவைகள் காரணமாக உலகளாவிய உணவுத் தளத்தில் உறுதியான இடத்தைப் பிடித்துள்ளன. மேலும், அவற்றின் மருத்துவ குணங்களுக்காக உலகளவில் அங்கீகரிக்கப்பட்டுள்ளன.

ஆயுர்வேதத்தில் அவற்றின் விரிவான பயன்பாடு குறித்து நாம் ஒன்றும் அறியாதது அல்ல. அவை பல ஆண்டுகளாக இந்த பாரம்பரிய மருந்துகளைத் தயாரிக்க பயன்படுத்தப்படுகின்றன. அத்தகைய ஒரு பிரபலமான இந்திய மசாலாப் பொருட்களாக இலவங்கப்பட்டை உள்ளது.

இலவங்கப்பட்டையின் ஆரோக்கிய நன்மைகள்; அவை நீரிழிவு நோய்க்கு எப்படி உதவுகிறது:

இலவங்கப்பட்டை ஆண்டிபயாடிக், அழற்சி எதிர்ப்பு மற்றும் ஆக்ஸிஜனேற்ற பண்புகளால் நிறைந்துள்ளது. அவை குளுக்கோஸ் உடலில் நுழையும் விகிதத்தைக் குறைக்க உதவும். இந்த காரணிகள் சிறந்த செரிமானத்தை ஊக்குவிக்கின்றன. இது உடலின் இரத்த சர்க்கரை அளவை பராமரிக்க அதிகப்படியான சர்க்கரையை வெளியேற்ற உதவும்.

இந்த காரணிகளை மேலும் நிறுவும் வகையில், நீரிழிவு பராமரிப்பு இதழில் நடத்தப்பட்ட ஒரு ஆய்வில், வகை 2 நீரிழிவு நோயாளிகளின் இரத்த குளுக்கோஸ் மற்றும் கொழுப்பின் அளவை மேம்படுத்த இலவங்கப்பட்டை உதவும் என்று பரிந்துரைத்தது. இது நீரிழிவு நோயுடன் தொடர்புடைய இருதய ஆபத்தையும் குறைக்கலாம் என்றும் தெரிவித்துள்ளது.

ஒரு நாளில் எவ்வளவு இலவங்கப்பட்டை உட்கொள்ள வேண்டும்?

வேளாண் ஆராய்ச்சி இதழில் வெளியிடப்பட்ட ஒரு ஆய்வின்படி, ஒரு நாளைக்கு 1 கிராம் இலவங்கப்பட்டை உட்கொள்வது இன்சுலின் உணர்திறனை அதிகரிக்கும் மற்றும் டைப்-2 நீரிழிவு நோயை நிர்வகிக்க உதவும்.

இலவங்கப்பட்டை நீர் செய்வது எப்படி?

உங்கள் தினசரி உணவில் இலவங்கப்பட்டை சேர்க்க பல வழிகள் இருந்தாலும், அவற்றை தண்ணீருடன் சேர்த்து உட்கொள்வது மிகவும் பயனுள்ளதாக இருக்கும் என்று வல்லுநர்கள் கூறுகிறார்கள்.

இலவங்கப்பட்டை நீர் செய்முறை:

இலவங்கப்பட்டை நீர் தயாரிக்க நீங்கள் செய்ய வேண்டியதெல்லாம் ஒரே இரவில் ஒரு சிட்டிகை இலவங்கப்பட்டை தூள் அல்லது 1 அங்குல இலவங்கப்பட்டையை தண்ணீரில் ஊறவைத்து, மறுநாள் காலையில் கொதிக்க வைத்து வெறும் வயிற்றில் பருகவும்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“