scorecardresearch

காலையும் மாலையும் கருவேப்பிலை… சுகர் பிரச்னைக்கு சூப்பர் தீர்வு!

curry leaves for diabetes and cholesterol tamil: கருவேப்பிலையில் புற்றுநோய் எதிர்ப்பு பண்புகள், பாக்டீரியா எதிர்ப்பு பண்புகள், வலி ​​நிவாரணி பண்புகள் மற்றும் செரிமானத்தை மேம்படுத்தும் பண்புகள் மிகுந்து காணப்படுகிறது.

how to consume curry leaves for diabetes and cholesterol in tamil

Health Benefits of Curry Leaves tamil: நம்முடைய சமையலில் பயன்படுத்தப்படும் காய்கறிகளும், மசாலாப்பொருட்களும் மூலிகைகளுக்கு இணையான ஆரோக்கிய மற்றும் மருத்துவ பயன்களை கொண்டவையாக உள்ளன. அதில் சில முற்றிலும் மருத்துவ குணம் கொண்டவையாகவும், மற்றவை அழகுபடுத்த அல்லது நறுமணப் பொருட்களாகவும் பயன்படுத்தப்படுகின்றன. மேலும் சிலவைகள் அனைத்திற்கும் பயன்படுத்தக்கூடிய அளவுவிற்கு பல்துறை திறன் கொண்டவையாக உள்ளன.

அந்த வகையில் எளிமையான மற்றும் நறுமணமுள்ள கறிவேப்பிலை நான்காவது வகை. பல பயன்பாடுகளை உள்ளடக்கியுள்ள இந்த அற்புத இலை சாம்பார் முதல் சட்னி வரை எந்த உணவையும் அழகாகவும் வாசனையாகவும் மாற்றும் வல்லமை படைத்ததாக உள்ளது. மேலும், இது குடல் பிரச்சினைகளுக்கு உதவுவதற்கும், உணவின் சுவையை அதிகரிக்கும் மூலிகையாக இந்தியாவின் தென்பகுதியில் மிகவும் பிரபலமாக உள்ளது.

இந்தியா மற்றும் இலங்கையை பூர்வீகமாகக் கொண்ட கறிவேப்பிலை இரைப்பை குடல் பிரச்சினைகளை குணப்படுத்தவும் முடி உதிர்தலைக் குறைக்கவும் ஒரு வீட்டு மருந்தாக பரிந்துரைக்கப்படுகிறது.

கறிவேப்பிலை

ஆனால், கறிவேப்பிலை இரத்தத்தில் உள்ள சர்க்கரை அளவை குறைக்கவும், கொலஸ்ட்ரால் அளவை குறைக்கவும் உதவுகிறது என்பது நம்மில் பலர் அறியாத ஒன்றாக உள்ளது. அது எப்படி என்பது பற்றி இங்கு பார்க்கலாம்.

பாதுகாப்பான தாவர பொருட்கள்

கறிவேப்பிலையில் ஆல்கலாய்டுகள் மற்றும் பினாலிக் கலவைகள் நிறைந்துள்ளன. அவை பாதுகாப்பு மற்றும் சக்திவாய்ந்த ஆரோக்கியப் பொருட்களாகும். மேலும், இவற்றின் இலைகளில் பலவிதமான ஆன்டி-ஆக்ஸிடன்ட்கள் நிறைந்துள்ளன. அவை உடலை ஆரோக்கியமாகவும், நோய்களிலிருந்தும் பாதுகாக்க உதவுகின்றன.

வைட்டமின் ஏ, பி, சி மற்றும் ஈ போன்ற பல்வேறு வைட்டமின்களின் இருப்பு உடலில் ஃப்ரீ ரேடிக்கல்களை அகற்றவும் ஆக்ஸிஜனேற்ற அழுத்தத்தை அடக்கவும் உதவுகிறது – இது பொதுவாக நாள்பட்ட நோய்களுக்கு வழிவகுக்கும்.

2014 ஆம் ஆண்டில், மருந்து தூண்டப்பட்ட வயிற்றுப் பாதிப்பைக் கொண்ட எலிகளின் இரண்டு குழுக்களிடையே ஒரு ஆய்வு நடத்தப்பட்டது. கறிவேப்பிலை சாற்றுடன் வாய்வழி சிகிச்சையைப் பெற்ற குழு ஆக்ஸிஜனேற்ற அழுத்தத்தின் அறிகுறிகளைக் காட்டவில்லை. அதே நேரத்தில் மற்றொரு குழு அவர்களின் இரைப்பை திசுக்களில் மாற்றங்களைச் சந்திக்கவில்லை.

கறிவேப்பிலை

கறிவேப்பிலையை தொடர்ந்து உட்கொள்வது இதயம் தொடர்பான நோய்களுக்கு வழிவகுக்கும் அதிக கொலஸ்ட்ரால் போன்ற ஆபத்து காரணிகளைக் குறைக்கிறது. ஆக்ஸிஜனேற்ற அழுத்தத்தைக் குறைக்கும் அதன் பண்பும் இதற்கு பங்களிக்கிறது

அதிக கொழுப்புள்ள உணவில் எலிகள் மத்தியில் மற்றொரு 12 வார ஆய்வில் கறிவேப்பிலை சாற்றை தொடர்ந்து உட்கொள்வது உணவினால் தூண்டப்பட்ட சிக்கல்களைத் தடுக்கிறது என்பதைக் காட்டுகிறது. இதய நோய்களுக்கு வழிவகுக்கும் கொழுப்பு குவிப்பு, வீக்கம் மற்றும் ஆக்ஸிஜனேற்ற அழுத்தம் ஆகியவை இதில் அடங்கும்.

டைப் -2 நீரிழிவு நோயைக் கட்டுப்படுத்துகிறது

ஆன்டிஆக்ஸிடன்ட்கள் மற்றும் வைட்டமின்கள் நிறைந்திருப்பதைத் தவிர, கறிவேப்பிலையில் நார்ச்சத்தும் நிரம்பியுள்ளது. இது செரிமானத்தை மெதுவாக்க உதவுகிறது மற்றும் உணவு விரைவாக வளர்சிதை மாற்றம் அடைவதை தடுக்கிறது. அதோடு, இது இரத்த சர்க்கரையை கட்டுக்குள் வைத்திருக்கிறது மற்றும் இன்சுலின் செயல்பாட்டை அதிகரிக்கிறது.

நீரிழிவு எலிகள் மீது நடத்தப்பட்ட 30 நாள் ஆய்வில், கறிவேப்பிலை சாற்றை வாய்வழியாக உட்கொள்வது இரத்த குளுக்கோஸ் அளவைக் குறைக்கிறது என்பதைக் காட்டுகிறது. கறிவேப்பிலை சாறு ஒரு குறிப்பிட்ட நீரிழிவு எதிர்ப்பு மருந்தை விட மிகவும் பயனுள்ளதாக இருந்தது என்று அதே கட்டுரை குறிப்பிடுகிறது.

இதைத் தொடர்ந்து, 43 நீரிழிவு மனிதர்களிடமும் பல பரிசோதனைகள் நடத்தப்பட்டன. நோயாளிகளுக்கு காலையிலும் இரவிலும் கறிவேப்பிலை தூள் கொடுக்கப்பட்டது. இது ஆய்வின் முதல் நாள் முதல் 30 ஆம் நாள் வரை இரத்தத்தில் சர்க்கரை அளவு கணிசமாகக் குறைந்துள்ளது.

கறிவேப்பிலை

இது மட்டுமல்ல, இந்த பல்துறை அதிசய இலையில் புற்றுநோய் எதிர்ப்பு பண்புகள், பாக்டீரியா எதிர்ப்பு பண்புகள், வலி ​​நிவாரணி பண்புகள் மற்றும் செரிமானத்தை மேம்படுத்தும் பண்புகளும் மிகுந்து காணப்படுகிறது.

கறிவேப்பிலையை எப்படி வழக்கமாக சாப்பிடுவது என்று நீங்கள் யோசிக்கிறீர்கள் என்றால், உங்களுக்காக ஒரு எளிய செய்முறை இங்கே வழங்கியுள்ளோம். அது தான் கறிவேப்பிலை தேநீர்.

கறிவேப்பிலை தேநீர்

கறிவேப்பிலை தேநீர் செய்யத் தேவையான பொருட்கள்

25 கறிவேப்பிலை
1 கப் தண்ணீர்

செய்முறை

முதலில் கறிவேப்பிலையை நன்றாக அலசிக்கொள்ளவும்.

பிறகு, ஒரு பாத்திரத்தில் ஒரு கப் தண்ணீரை கொதிக்க வைத்து, கறிவேப்பிலை சேர்க்கவும்.

ஐந்து நிமிடங்களுக்குப் பிறகு, அதை தணலில் இருந்து இறக்கவும்.

இலைகள் பாத்திரத்தின் அடியில் சென்று, நீரின் நிறம் மாறியவுடன், இலைகளை வடிகட்டவும்.

பிறகு அந்த வெதுவெதுப்பான நீரை பருகலாம்.

இந்த தேநீருடன் கூடுதலாக, சுவையை அதிகரிக்க சிறிதளவு எலுமிச்சை சாறு அல்லது தேனையும் சேர்க்கலாம்.

இந்த தேநீரை காலையில் வெறும் வயிற்றில், இரவில் படுக்கும் முன் அல்லது இரண்டு நேரங்களிலும் உட்கொள்ளலாம்.

கறிவேப்பிலை தேநீர்

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

Stay updated with the latest news headlines and all the latest Lifestyle news download Indian Express Tamil App.

Web Title: How to consume curry leaves for diabetes and cholesterol in tamil