![Weight Loss tips in tamil: how to Consume Fennel Seeds For Weight Loss tamil](https://img-cdn.thepublive.com/fit-in/1280x960/filters:format(webp)/tamil-ie/media/media_files/uploads/2022/02/tamil-indian-express-2022-02-15T220610.480.jpg)
Weight Loss tips in tamil: எடை இழப்பு என்பது அனைவருக்கும் தனித்துவமானது. உடற்பயிற்சி மற்றும் உணவுமுறை ஆரோக்கியமான வாழ்க்கை முறையை வழங்குவதற்கு ஒன்றிணைந்தால் தான் எடை இழப்பு சாத்தியமாகிறது. அவ்வகையில் விரிவான உடற்பயிற்சி முறையைப் பின்பற்றுவதற்கு அனைவரும் நேரம் ஒதுக்குவது எப்போதும் வசதியாக இருக்காது. ஆனால், ஆரோக்கியமான உணவு முறையில் பயனுள்ள மாற்றங்களைச் செய்வது அதற்கு உதவும்.
இந்த பயனுள்ள மாற்றங்களில் பெருஞ்சீரகத்தை தவறாமல் உட்கொள்வது முக்கியமான ஒன்றாகும். நம்முடைய வீட்டு சமையலில் கண்டிப்பாக இடம்பிடிக்கும் இந்த அற்புத பெருஞ்சீரகத்தை நமது அன்றாட உணவுகளில் சேர்த்துக்கொள்வதும், தனியாக உட்கொள்வதும் உடல் எடையை குறைக்க உதவுகிறது.
![publive-image publive-image](https://img-cdn.thepublive.com/filters:format(webp)/tamil-ie/media/media_files/uploads/2022/01/tamil-indian-express-2022-01-20T161844.761.jpg)
பெருஞ்சீரகத்தின் அற்புத பயன்கள்
பெருஞ்சீரகம் செரிமானம், வளர்சிதை மாற்றம், முடி மற்றும் தோல் ஆரோக்கியத்தை மேம்படுத்தும் பல ஆரோக்கிய நன்மைகளைக் கொண்டுள்ளன. அவை டையூரிடிக் பண்புகளைக் கொண்டிருப்பதால், உடலில் இருந்து நச்சுகளை அகற்ற உதவுகிறது.
இவற்றில் ஃப்ரீ ரேடிக்கல்களுடன் போராடும் ஆன்டிஆக்ஸிடன்ட்களும் நிறைந்துள்ளன. இது உடலில் உள்ள ஆக்ஸிஜனேற்ற அழுத்தத்தையும் குறைக்கிறது. மேலும், நீரிழிவு மற்றும் உடல் பருமன் போன்ற நிலைமைகளை சரி செய்கிறது.
![publive-image publive-image](https://img-cdn.thepublive.com/filters:format(webp)/tamil-ie/media/media_files/uploads/2022/01/tamil-indian-express-2022-01-20T161834.063.jpg)
எடை இழப்புக்கு கூடுதலாக பல ஆரோக்கிய நன்மைகளுடன், பெருஞ்சீரகத்தை தொடர்ந்து உட்கொள்வது எல்லா வகையிலும் நன்மை பயக்கும்.
அந்த வகையில், பெருஞ்சீரகத்தை ஒவ்வொரு நாளும் உட்கொள்ள நான்கு வழிகளை இங்கு பார்க்கலாம்.
பெருஞ்சீரகத் தூள்
பெருஞ்சீரகத்தை ஒரு கைப்பிடி அளவு எடுத்து, அவற்றை சரியாக அரைத்து பொடி செய்து கொள்ளவும். இந்த பொடியை வேகவைத்த மாவில் சேர்த்து சுவைக்கலாம். மிகவும் நன்றாக இருக்கும்.
![publive-image publive-image](https://img-cdn.thepublive.com/filters:format(webp)/tamil-ie/media/media_files/uploads/2022/02/tamil-indian-express-2022-02-15T222149.948.jpg)
வெந்தய விதைகள், உப்பு, சாதத்தை மற்றும் மிஷ்ரி போன்ற பொருட்கள் சுவை மற்றும் சிறந்த செரிமான பண்புகளுக்காக சேர்க்கப்படும் ஒரு 'சுரன்' உருவாக்க பெருஞ்சீரகம் தூள் பயன்படுத்தப்படலாம்.
இவற்றை தினமும் சாப்பிடுவதால், செரிமான செயல்முறைகளுக்கு உதவும் நொதிகளை சுரக்க உதவும். மேலும் இவற்றில் எஸ்ட்ராகோல், ஃபென்சோன் மற்றும் அனெத்தோல் ஆகியவை இருப்பதால், சிறந்த செரிமானத்திற்கு வழிவகுக்கும்.
பெருஞ்சீரகத் தண்ணீர்
பெருஞ்சீரகத்தை தண்ணீருடன் உட்கொள்வது பொதுவாக அறியப்பட்ட நடைமுறையாகும். இது பெரும்பாலும் வயிற்றுப் பிடிப்பைக் குறைக்கவும், செரிமானத்தை மேம்படுத்தவும் செய்யப்படுகிறது.
![publive-image publive-image](https://img-cdn.thepublive.com/filters:format(webp)/tamil-ie/media/media_files/uploads/2022/02/tamil-indian-express-2022-02-15T222003.317.jpg)
ஒரு கையளவு பெருஞ்சீரகம் எடுத்து ஒரு கிளாஸ் தண்ணீரில் ஊற வைக்கவும். இரவு முழுவதும் அவை நன்றாக ஊறவைக்கப்பட்ட பின்னர், காலையில் பருகவும்.
இப்படி பருகி வருவதால் உடலில் உள்ள வைட்டமின்கள் மற்றும் தாதுக்களை உறிஞ்சுவதை மேம்படுத்துகிறது மற்றும் எடையைக் குறைக்க உதவுகிறது.
இரண்டு கிளாஸ் பெருஞ்சீரகம் தண்ணீரை, காலையிலும் மாலையிலும் பருகி வருவது உடலில் உள்ள தேவையற்ற கொழுப்பை இழக்க உதவும்.
![publive-image publive-image](https://img-cdn.thepublive.com/filters:format(webp)/tamil-ie/media/media_files/uploads/2022/02/tamil-indian-express-2022-02-15T222041.449.jpg)
பெருஞ்சீரகத் தேநீர்
பெருஞ்சீரகத்தில் இருந்து தேநீர் தயாரிப்பது ஒரு கடிமான வேலை இல்லை. சிறந்த விளைவுகளுக்கு இவற்றை ஒவ்வொரு நாளும் உட்கொள்ளலாம்.
![publive-image publive-image](https://img-cdn.thepublive.com/filters:format(webp)/tamil-ie/media/media_files/uploads/2022/02/tamil-indian-express-2022-02-15T221904.680.jpg)
உங்கள் மாலை தேநீர் கொதிக்கும் போது ஒரு தேக்கரண்டி பெருஞ்சீரகத்தை சேர்க்கவும். இவற்றுடன் அரை தேக்கரண்டி வெல்லம் சேர்க்கவும். இப்போது அவற்றை பருகி மகிழலாம்.
வறுத்த பெருஞ்சீரகம்
ஒரு தேக்கரண்டி பெருஞ்சீரகம் எடுத்து அவற்றை மிதமான தீயில் வறுக்கவும். பெருஞ்சீரகம் விதைகளின் இந்த வடிவமானது புலன்களுக்கு இனிமையான ஒரு ஒளி வாசனையை வெளிப்படுத்தும். சுவைக்காக சிறிது மிஷ்ரி சேர்ப்பது ஒவ்வொரு உணவிற்கும் பிறகு செரிமானத்தை மேம்படுத்த உதவும்.
![publive-image publive-image](https://img-cdn.thepublive.com/filters:format(webp)/tamil-ie/media/media_files/uploads/2022/02/tamil-indian-express-2022-02-15T221819.941.jpg)
மிஷ்ரி சுவையில் இனிமையாக இருப்பதாலும், வறுத்த பெருஞ்சீரகம் நன்கு பூர்த்தி செய்வதாலும் இந்தக் கலவையானது இனிப்புப் பசியைத் தடுக்கிறது. வறுத்த பெருஞ்சீரகத்தை அரைத்து பொடி செய்து தினமும் உட்கொள்ளலாம்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
Stay updated with the latest news headlines and all the latest Lifestyle news. Download Indian Express Tamil App - Android or iOS.